Skip to main content

Martha Abelsen: Akisussaaffik nunatsinniippoq

Kalaallit Nunaanni meeqqat inuusuttullu atugarliortut atugaat pitsaanerulersinniarlugit Danmark aningaasaliigaluarpalluunniit, meeqqat inuusuttullu atugarliortut ikiorneqarnissaannut Kalaallit Nunaat akisussaavoq. Isumaginninnermut naalakkersuisoq Martha Abelsen tusagassiortunik sisamanngornermi katersortitsinermini erseqqissaavoq.

Kalaallit Nunaat Danmarkilu suleqatigiinnissami suliassat allattorsimaffiannik sisamanngornermi atsioqatigiissuteqarput, isumaqatigiissutigalugu Kalaallit Nunaanni meeqqat inuusuttullu atugarliortut atugaasa pitsanngortinnissaannut suleqatigiissallutik.

Sumiginnaaneq kinguaassiutitigullu atornerluinerit annikillisinniarlugit qallunaat kalaallillu ataatsimoorlutik ukkatarinnilerput. Suleqatigiissitaq aaqqiissutissanik – aamma siunissaq ungasinnerusoq eqqarsaatigalugu aaqqiissutissanik, nunatsinni meeqqat atugaasa pitsaanerulersinnissaannut atugassanik isumasiussaaq.

- Imaanngilaq Danmarkimut saaffinninnikuugatta Danmarkilu aningaasanik tunniusserusummat, taava Danmarkip suliaq kisimi tigussagaa. Akisussaaffik nunatsinniippoq. Suliap suliarineqarnissaanut kommunit naalakkersuisoqarfiillu akisussaasuupput, Martha Abelsen (S) tusagassiortunik katersortitsinermi erseqqissaavoq.

Pinasuartumik sulisussat

Danmark Tasiilami pinasuartumik sulisoqarnissaanut 5,3 milliuunit koruuninik septemberimi aningaasaliivoq. DR-ip piviusulersaarutaata “Byen hvor børn forsvinder” aamma Kalaallit Nunaata Politiivisa qulaajaaneranni qulaarneqarpoq Tasiilami meeqqat kinguaassiutitigut atornerlunneqartarnerat qanoq ajornartorsiutaatigisoq. Tamassumalu kingunerisaanik pinasuartunik sulisunik aallartitsisoqarpoq.

Aningaasat pinasuartumik sulisussanut, maanna Tasiilamut aallarsimalersunut, atorneqarput, tassa isumaginninnermut siunnersortinut, oqaloqatiginnittartunut allanullu, taakku illoqarfimmi meeqqanik ilaqutariinnillu ikiuutissapput.

Danskit naalakkersuisui nunamut tamarmut atortussanik 80 milliuunit koruuninik aningaasaliinissaminut piareersimavoq. Suleqatigiissitalli innersuussutai suli annertunerusumik suliniuteqarnissamik imaqassappata aningaasaleeqqinnissamut piareersimalluni.

- Massakkorpiaq ajornerpaaginnarnut aaqqiiniassanngilagut, aammali ajornartorsiutip iternga tikissavarput, taannaammammi meeqqat inuusuttullu ilaasa atugarliornerannut pissutaasoq, Astrid Krag oqarpoq.

Qulaajaaneq

Suleqatigiissitaq nalunaarusiamik decemberimi siullermeerluni tunniussaqassaaq, sulinerup affaanut killinnermi nalunaarutaasumik. Suleqatigiissitap nalunaarusiaq innersuussutinik aaqqiissutinillu imaqartoq Naalakkersuisunut danskillu naalakkersuisuinut 2020-mi ukiup affaani siullermi tunniutissavaa.

- Kommunit suliaqarfiillu ilaqutariinnik meeqqanillu sullissisuusut sulinermi peqataatinnissaat uagutsinnut pingaaruteqarpoq.

Martha Abelsen erseqqissaavoq suleqatigiissitaq qulaajaassasoq. Ineqarnermut tunngasut, suliffeqarnermut tunngasut allallu attuumassuteqarsinnaasut qulaajarneqassapput.

- Meeqqat atugaat misissuiffigineqassapput. Minnerunngitsumik meeqqanik atornerluisut katsorsartinnissaannut suliniutissat misissuiffigineqassapput. Pitsaaliuinermilu sulinissaq aamma qulaajaaffigineqassalluni. Suliaq tamakkiisoq naammassereerpat politikkikkut aalajangertoqassaaq, innersuussutit eqqarsaatigalugit, Martha Abelsen nassuiaavoq.

Kinguaassiutitigut atornerluisoqarsimatillugu politiit misissuisarnerisa pitsaanerulernissaannut iliuusissat suleqatigiissitamit aamma misissorneqassapput.

Isumaginninnermut inatsisinillu atuutsitsinermut naalakkersuisoqarfimmi sulianik suliaqarneq, suleqatigiissitap ingerlanerani unitsinneqassanngilaq, suliat aallaqqaataaneerneqannginnissaat pillugu, naalakkersuisoq ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER