Skip to main content

Martha Abelsen Savalimmiuniittoq

Peqqissutsimut Naalakkersuisoq Martha Abelsen (S) Savalimmiuni Peqqissutsimut ministerimik ataatsimeeqateqarsimavoq

Martha Abelsenip peqqinnissamut tunngatillugu misilittakkat suleqatigiissutaasinnaasullu oqaluuseriniarlugit Savalimmiuni Peqqissutsimut ministeri Kaj Leo Holm Johannesen ataatsimeeqatigisimavaa.

Martha Abelsenip ataatsimiinnermi tusarusussimavai Savalimmiuni meeqqanut inuusuttunullu tarnikkut nappaatilinnut katsorsaanissamik neqeroorutigineqartartut aamma susassaqarfiit akimorlugit suleqatigiinnissamut suut piumasaqaataanersut.

- Savalimmiormiut meeqqanut inuusuttunullu tarnikkut katsorsaaneq ineriartortilluarsimavaat, tamannalu malunnaatilimmik iluaqutaasimavoq, Naalakkersuisoq Martha Abelsen Namminersorlutik Oqartussanit tusagassiorfinnut nalunaaruteqarnermi oqarpoq.

Inissaqarnikkut killeqarneq

- Sullissivimmi sulisut erseqqissarpaat sullissiviup aallartisarnerani kisianni aamma meeqqat inuusuttullu ikiortariaqarneranni susassaqarfiit akimorlugit suleqatigiinnerup pingaaruteqassusianik. Tarnip pissusaanik immikkoortortaqarfik suliassaq kisimiilluni kivissinnaanngilaa. Pisariaqarluinnarpoq kommunini malitseqartitsinissaq, Martha erseqqissaavoq.

Tarnikkut immikkoortortaqarfiup saniatigut naalakkersuisuusut nunaminni peqqinnissakkut unamminartut allat eqqartorpaat, unamminartunillu assigiissuteqarput, soorlu assersuutigalugu sukkornermi, sulisussarsiornermi kiisalu Københavnimi napparsimasut angerlarsimaffianni inissaqarniarnikkut killeqarneq​​​​​​​. 

Aggustimi ataatsimeeqatigeeqqinnissaq

- Savalimmiuni tikeraarneq assut pissarsiaqarluarnarpoq pingaartumik takullugu tusaallugulu meeqqat inuusuttullu tarnikkut katsorsaanerup ineriartorsimanerat. Suliassaqarfik tamanna naammaginartumik nunatsinni ineriartortissagutsigu pingaaruteqarpoq nunami tamarmi kommunimilu suliassamut politikkikkut pingaarnersiuinissaq, taamaasilluni suliamut tunngasutigut piginnaanngorsartoqarsinnaaniassammat meeqqallu inuusuttuaqqallu tarnimikkut napparsimasut unamminiagaqartullu ataavartumik katsorsartinneqarsinnaaniassammata​​​​​​​, Martha Abelsen oqarpoq.

Nunani avannarlerni killerni peqqissutsimut naalakkersuisut, nunat akornanni Savalimmiuni, Islandimi aamma Kalaallit Nunaanni paarlakaallutik, ukiut tamaasa ataatsimiittarput. 2020-mi aggustusip qaammataani tullissaanik ataatsimiittoqalerpat Kalaallit Nunaat aaqqissuisussaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER