silap pissusia
Marsimi kiassutsimut rekordit tamarmik qaangerneqarput
Nunarsuup agguaqatigiissillugu kiassutsimut rekordia marsimi qaangerneqaqqippoq, taamaasillunilu kiatsikkiartornera, aamma 2015-imik kiannerpaatitsisoq, ingerlaqqippoq
Annonse
Marsimi aatsaat taama kiatsigiinnanngilaq. Aamma qaammammi ataatsimi kiassutsip nikingassusia aatsaat taama angitigaaq.
Tuluit aviisiata The Guardianip kisitsisit Japns Meteoroligiske Agentur-imeersut innersuussutigai, tassanilu takuneqarsinnaavoq marsi 1900-ukkunni marsimi agguaqatigiissillugu kiattarsimaneranit 1,07 gradimik kiannerusoq.
JMA 1891-imiilli uuttortaasalersimavoq, kisitsisillu takutippaat qaammatit kingulliit 11-t kiassutsimik rekordiliiuartarsimasut.
FN naapertorlugu tamatumunnga pingaartumik pissutaavoq inunnit pilersinneqartumik silap pissusiata allanngoriartornera silallu pissusianut malunnaatilik El Nino.