Marlunnut anaanaq: – Inissiami oquttumi najugaqarnerma innarluuteqalersippaanga
Malu Petrussen, inissiami oqulimmi najugaqartoq,allamut nuukkusulluni sukataarpoq. Ikiorneqarnissarliajornakusoortoq taassuma misigaa.
Malu Petrussen assani allarutissiamut sissuertumik poortorpai. Allarutissiap iluani inuai pullapput, siggititersimanerminnit aanaarlutik. Nerisarfimmut igippoq panini pingasunik qaammatilik sarliarlugu. Pania angajullequtaa marlunnik ukiulik nalaasaarfimmi pinnguarpoq.
Aviisi Sermitsiaq allappoq.
Ilaqutariiaqqat taakku Nuup ilaani Nuussuarmi Malu Petrussenip anaanaani najugaqarput, taakku inissiamut 2012-imi nuupput. Malu Petrussen 2017-imi siullermik sivikitsumi tassani najugaqaqqaariarluni, ilinniartut inaanni najugaqarsimavoq aasaq anaanaminut nooqqinnissami tungaanut. Tamannali pitsaanerpaanngilaq, inissiarmi oqummik ulikkaarpoq.
Igalatserfiit, matut, anartarfik, iggavik sinittarfillu oqunnik taartunik ammalortuaqqani meqqulualinnik peqarput.
– Oquusoq takusinnaavara, malugisinnaavarput tipikkami aamma. Meeqqannut sunniuteqarnera ajuusaarutigaara. Nakorsaq oqarpoq maani najugaqarnissaq navianartoq, maangalu angerlaqqequnngikkaluarpaatigut, Malu Petrussen Sermitsiaq inissiamut pulaarmat oqaluttuarpoq.
Malu Petrussen amerluummik nalinginnaanngitsumik amerluttoq meeraanerani nakorsap nalilersimavaa, amerluut panertoq ungilattorlu. Taassuma anillattoornissani pinaveersaartissinnaasaraluarpaa, najugarisaatali oqoqarnera pissutigalugu amerluutaa timaanut siaruaassimavoq, assaani qungasianilu sakkortunerusumik. Tamanna Malup ulluinnarni suliassanik piareeriaannarnik aallussinissaanik ajornakusoortitsivoq, soorlu oqorutit qaliisa taarsersornissaannik, nerisassiornissamik qarasaasiakkullu allannissamik. Taamaammat ilinniakkani unitsikkallarsimavaa. Malup ulluinnaa unittoorsimavoq.
– Taama ajortiginikuunngisaannaraluarpoq. Mikisuullungali nalinginnaanngitsumik amerluuteqartuaannarsimagaluarpunga kisianni taama ingasatsiginngitsumik. Maanga nuukkatta timera tamarmi amerlulersimavoq. Bakteriamik antibiotikanut akiuussinnaasumik (bakteria amermi pilersartoq aaqq.) peqalerpunga maani najugaqarnerput pissutaalluni, augustimili arfinileriarlunga akiuussutissamik iisartagartorpunga, Malu Petrussen oqarpoq.
Oqaluttuaq tamaat aviisimi Sermitsiami sapaatip-akunnerani matuni saqqumersumi atuaruk, ugguuna iserfigisinnaavat:
