silarluppoq
Marlunngornerup ualinerani: Sila suli ajornartorsiortitsivoq
Timmisartorsuaq Danmarkiliartoq anorlerpallaarnera pissutigalugu Keflavikiliaannartoq aqagumut pingasunngornermut kinguartinneqarpoq. Air Greenlandip marlunngornermi 14.30 nalunaarutaa atuaruk
Silap pissutigisaanik Kalaallit Nunaanni silaannakkut angallanneq unitsinneqarpoq sumiiffinni assigiinngitsuni, Air Greenland marlunngornerup ualinerani nalunaarpoq:
- Kangerlussuup avannaani silaannakkut angallassisoqarsinnaavoq. Kangerlussuakkulli ingerlaqqissagaanni pitsaasumik sulisoqartariaqarpoq. Kangerlussuarmiissinnaasummi killeqarput.
- Kangerlussuarmiittut amerlanersaat Nuummukartussaapput. Tassani sila peqqutaalluni angallassisoqarsinnaanngikkallarpoq. Anorlerpoq nittaallunilu. Aamma silap kiassusaata allanngorarnerata pissutigisaanik mittarfinnut sunniuteqarpoq, mittarfiimmi ilai quatsersimapput. Mittarfeqarfinnit ulloq naallugu timmisartunik mittarfiiit suliaraat miffigineqarsinnaasunngorlugit, Air Greenlandimi attaveqaqatigiinnermut ataqatigiissaarisoq Katrine Hjelholt Nathanielsen Sermitsiaq.AG-mut oqarpoq nalunaaqutaq 14.30.
Timmisartorsuaq Danmarkiliartoq Keflavikiliaannarpoq, qutsissumi anorlerpallaarnera pissutigalugu ullumi marlunngornermi. Taanna aqagumut, pingasunngornermut, kinguartinneqarpoq. Timmisartorsuaq Kangerlussuarmut tikissaaq nalunaaqutaq 09.50, nalunaaqutarlu 11.40 aallarnissaa naatsorsuutigineqarpoq.