Skip to main content

Marlunngorneq: Naalakkersuisut coronamut tunngatillugu killiffimmik saqqummiussissasut

Naalakkersuisut tallimanngormat tusagassiortunik katsersortitsinissamik taamaatitsereerlutik, marlunngornermi tusagassiortunik katersortitsinissamut aggersaapput.

Marlunngornermi ualikkut marlunut Naalakkersuisut coronap killiffia pillugu tusagassiortunik katersortitsissapput. Nammingersorlutik Oqartussat tusagassiorfinnut nalunaaruteqarnermi ilisimatitsissutigaat.

Inuit marluk coronamik tunillatsissimasut piffissami kingullermi paasineqarpoq. Pineqartut tassaapput Aasianni innuttaasoq Danmarkimiinnermi virusimik nappaateqarsimasoq, kiisalu Munck Gruppenimi sulisoq ataaseq Ilulissani mittarfiliornermik suliaqartoq.

Tunillatsissimasut nutaat eqqarsaatigalugit tuniluunnerup killiffia, Naalakkersuisut Siulittaasuata Kim Kielsenip tallimanngormat ualikkut ataatsimut tusagassiortunik katersortitsinermi saqqummiuttussaagaluarpaa.

Tusagassiortunik katersortitsnissaraluaq tamanna pissutsit allanngorsimanngimmata naggaterpiaani taamaatiinnarneqarpoq.

Naalakkersuisut ullaaq manna nalunaarutigaat, killiffissiuinissamut nutaamut ullumi marlunut piareeqqasoqartoq.

Sermitsiaq.AG sooruna tugassiortunik katersortitsinermut peqataassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER