Marilyn Monroep kijuulia 33 mio. koruunilerlugu tuninerpoq

Isiginnaartitsisartut Marilyn Monroep kjolia atisaani ilisimaneqarluartoq Los Angelesimi sisamanngormat unnukkut kaattaassinermi 4,8 mio. dollarilerlugu tunineqarpoq.

Nutaarsiassaqartitsivik dba taama allaaserisaqarpoq.

USA-p præsidenterisimasaa John F. Kennedy 1962-mi inuuissiorneranut atatillugu Marilyn Monroep erinarsorfiginerani kjole atorpaa.

Kjoli attuumasoq kaattaassisarfiup Julien's Auctions-p tunineqarnerani naligata affaanik pisiarineqassasoq ilimagisimagaluarpaa.

Katersugaasivik "Ripley's Believe it or Not!"-mik atillip kjoli pisiaraa. Katersugaasivik nunarsuarmi sumiiffiit arlallit immiikkortortaqarfigai.

Kjoli kingullermi tuniniarnerqamat 1999-mi 1,3 mio. dollarilerlugu pisiarineqarpoq. Maannalu 33 mio. koruunilerneqarluni.

Marilyn Monroep præsidentiusimasumut erinarsornera New Yorkimi Madison Square Gardenimi isiginnaartut 15.000-t saanni pivoq.

Kjolilu attuumasoq atisaliortartumik Jean Louisimit sananeqarpoq. Attuumangaarmalli Marilyn Monroe erinarsunngilaattaa kjoli ateqqaarlugu mersugassat kingulliit suliarineqarsimallutik.

Erinarsortartulli appisimaanermini anersaartunngitsutut nipeqarpoq. Tamannali kjolip attaamanera pissutaanersoq John F- Kennedymilluunniit alutorsarneranit pissuteqarnersoq ilimaneqanngilaq.

Marilyn Monroep præsindetiusimasumut erinarsornera takutitsinerisa kingulliit ilagaat. Qaammatimmi pingasut qaangiummata, augustip tallimaani 1962-mi, toqungasoq nassaarineqapoq.

/ritzau/dpa/