Skip to main content

Marie Fleischer Mittarfeqarfinni atorfeqarunnaarpoq

Marie Fleischerip Mittarfeqarfinni pisortaanertut atorfimminit sooq tunuarsimanera pillugu oqaluttuartoqannginnissaa, illuatungeriit isumaqatigiissutigisimavaat.

Marie Fleischer Mittarfeqarfinni pisortaanertut atorfimminit tunuarpoq, Naalakkersuisut nittartakkaminni naatsukullammik taama nalunaaruteqarput.

- Aningaasaqarnermut Sulisoqarnermullu Aqutsisoqarfiup aamma Marie Fleischerip akornanni 27. februar 2019-imi isumaqatigiissutigineqarpoq, illuatungeriilluni isumaqatigiinneq malillugu Marie Fleischer Mittarfeqarfinni pisortaanertut atorfimminit tunuassasoq.

Pisortaanerup tunuarneranut suna pissutaanersoq oqaatigineqassanngilaq.

- Tamatumunnga atatillugu illuatungeriinnit isumaqatigiissutigineqarpoq, illuatungeriit isumaqatigiissut isumaqatigiissutillu imaa pillugu tamanut ammasumik inummulluunniit allamut oqaaseqannginnissaq pisussaaffigissagaat, nalunaarummi tamanna allaqqavoq.

- Tamatumunnga atatillugu Namminersorlutik Oqartussat Marie Fleischer Mittarfeqarfinni pisortaanertut sulisimaneranut qutsavigaat.

Marie Fleischer taamaalilluni mittarfinnut ingerlatseqatigiiffimmi ukiut marluunngitsulluunniit pisortatut atorfeqarpoq. Taanna apriilimi 2017-imi toqqarneqarpoq, ukiorlu taanna juunimi atorfinippoq.

Mittarfeqarfinni pisortaanertut Marie Fleischer atorfininngikkallarami ukiuni sisamani Kommuneqarfik Sermersuumi pisortatut atorfeqarpoq.

Marie Fleischer qaammatip ataatsip ingerlanerani ingerlatseqatigiiffimmi pisortanit pigineqartunit pisoartatut tunuartut aapparaat – tassa suliassaqarfimmi aamma tassani.

Februaarip aallartinnerani Steffen Ulrich-Lynge Kalaallit Airportsimi pisortatut tunuarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER