Skip to main content

Mariap atuakkiaa: Sunnertiasunut naleqqutinngitsoq

Ukiut qulit ingerlaneranni Maria Bach Kreutzmann kalaallit oqaluttuatoqaanni inuunngitsunik ersinartunik katersisimavoq. Arnanumi saqqummertumi soqutigisani qanoq atuakkianngorsimanersoq oqaluttuaraa.

Aassik quperlorujussuuvoq nukittungaarami qimuttussaqqissuusoq – tassalu qimussertup aqussinnaappagu. Makakajuit aamma inuunngitsuupput meqqoqanngitsut mikisut piniartup pisaanik tillittartut. Ikusit toqungasuupput paarngortut inuttortartut.

Kalaallit oqaluttuatoqaanni toornat, uumasut inuunngitsullu pillugit Maria Bach Kreutzmannip atuakkiaani najoqqutassiami assiliartalersorneqarsimasumi Bestiarium Groenlandicami novembarimi saqqummersumi atuarneqarsinnaapput.

Meeqqanut tulluanngitsoq                

Kalaallit Nunaannilu inuunngitsut pillugit atuagaq qajannartunut tulluanngilaq.

- Atuagaavoq meeqqanut tulluarpianngitsoq, Maria Bach Kreutzmann oqarpoq, atuakkami quppernermi kingullermi inuunngitsoq Uersat Inuat marlunnik suiaassuseqartoq pinngitsaaliilluni atoqateqarnermik sakkoqarsinnaasoq isiginnaarlugu. Uersat Inuata assitaraa uumasorujuk aagasaartuinnaq saanikumik niaqulik, arnatut timilik tissassimasumillu angisuumik usulik.

- Uersat Inuit suliarisussanngoratsigu apeqqutissarpassuaqarpugut titartakkat qanoq ersaritsigissanersut pillugit. Kulturittali oqaluttuassartaata ilagaa. Inuunngitsut ilaat ersarillutillu ersinartarput, naggueqatigiinnili inunni inuiaqatigiitoqqat silarsuaat aamma taamaappoq. Taamaattumik inuunngitsuliavut aamma ersinarput. Kulturitsinni kingornussatta saqqummersinnissaanni imminut qiviarsinnaanavianngikkaluarpunga killilersuisoqarsimasuuppat, nassuiaavoq.

Arnanut saqqummertoq atuarlugu paasisaqarnerugot, taanna pisiniarfinni pisiassaalereerpoq. Atuagassiaq, saqqaa Mariap ilusilersueqataaffigaa:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER