Skip to main content

Mari Laursen: Angutit pissaanillit killilernissaat ajornakusoorpoq

Mikael Petersenimut unnerluutiginnissimasut ilaata eqqartuussiviup sisamanngormat aalajangernera, arnat allat aamma killiliisinnaanerulernissaannut ammaassissasoq neriuuteqarpoq. MIkael Petersen kannguttaatsuliorsimasutut pisunut sisamanut pineqaatissinneqarpoq, suliarli ingerlaannarluni nunatta eqqartuussivianut suliassanngorteqqillugu.

Kannguttaatsuliortoqarsimaneranut suliaq annertooq naammassigallarpoq. Suliaq aallartippoq arnat qulit Siumumut attuumassutillit partiip qullersaannut allagaqarlutik oqaluttuarmata partiimi allattaasimasumit Mikael Petersenimit kannguttaatsuliorfigineqartarnertik pillugu.

Suliaq tusagassiorfinnit sammineqangaatsiarpoq, ilaatigut folketingimi ilaasortaq Aki-Matilda Høegh-Dam unnerluutiginninnerminik saqqummiussaqartunut ilaalluni.  

Allakkalli qulit aallarniutaasimasutut oqaluttuarineqarneri, oqaluttuamit eqqortumit sangutitsinertut unnerluutiginnittut ilaannit taaneqarpoq.

- Aki kisimiilluni suliamik aallartitsinngilaq. Mikaelip aallartippaa, uagullu qisuariarpugut. Uagut tamatta qisuariarpugut misigisimasagut allallugit, Mari Laursen oqarpoq. Taanna Siumut qullersaannut arnat allagaqartut qulit ilaanniippoq, unnerluussummillu tunniussaqartunut sisamanut ilaalluni.

Sermersooq Eqqartuussiviata Mikael Petersen pinerluttulerinermut inatsimmi paragraf kannguttaatsuliornermut tunngasumi pisuni assigiinngitsuni sisamani eqqartuullugu ulluni 60-ini pineqaatissinneqarsimasut inissiisarfianniittussanngorlugu pineqaatissippaa. Mikael Petersen pineqaatissiissut erngerluni suliassanngorteqqippaa.

Piviusoq naqissuserneqarpoq

Aki-Matilda Høegh-Dams reaktion på dommen er kortfattet.

- Eqqartuussivikkut piviusoq naqissuserneqarpoq. Allamik tassunga oqaasissaqanngilanga, Sermitsiaq.AG-mut allappoq.

Mari Laursenip arnarpassuit suliani assigusuni sooq saqqummertannginnerat pillugu ersarissaassuteqarusuppoq.

- Suliami ilalerneqarnerput aallaavigalugu allat kannguttaatsuliorfigineqarsimasut sapiissuseqalissasut neriuutigaara. Arnat angutillu tunngaviusumik piumasaqassasut: tassa illuatungeriimmik ataqqeqatigiinneq ileqqorissaarnerlu, eqqartuussivimmi suliami pineqaatissiisoqarnera pillugu Sermitsiaq.AG-mut oqarpoq.

Upperisimassagaluaramma?

Mikael Petersenip eqqartuunneqarnerani illersuisumit toqqaannartumik aperineqarpoq: Sooq qangali oqannginnavit?

- Ilumoorlutit akinnga, upperisimassagaluaramma taamani? Mikael suliffissaqarniarnikkut attaveqaatai sinerissami eqqarsaatigigaanni, uangalu inuusuttoq politikkikkut nutaraasoq, attaveqaateqanngitsorlu, Mari Laursen eqqartuussivimmi akivoq.

Taassuma erseqqissarpaa akissut taanna arnanut qulinut suliami saqqummersimasunut tamanut atuuttoq.

- Neriuutissaqarani misigineq angut taamak pissaaneqartitaatigisup saavaniilluni akineqarsinnaanngitsorluunniit. Pissusaata takutippaa uagut inuttut nalikinnerusugut. Arnat minnerulersittarpai. Taama pisoqaraangat angutit allat inimeeqataasut akunnattuungasumik illartarput. Eqqunngitsoqarnera malugisinnaagaluarpaat, akisinnaanatilli, Mari Laursen oqaluttuarpoq.

- Uagut, inuusuttut politikkimik soqutigisaqartuusugut, nunatta siunissaa ilusilersoqataaffigerusupparput. Partii asagatsigu akiliisariaqarsimavugut tassunga angummut naammagittassuseqarluta. Sinnattugut politikkimilu angorusutagut suli uummatitsinniittuutigaavut.

Laursen isumaqanngilaq suliaq partiimut partiilluunniit ilaasortaanut tutsinneqassasoq.

Suliap sunniuteqarnissaa neriuutigaa

- Qasusuingaarluta qineqqusaarnerni, nunarput inuilu pillugit ulapputtarnikooqaagut. Allaammi naligiisitaanissaq pillugu tanngassimaarutigeqisatsinnik oqaatigisinnaallutigu peqataaffiginikuugipput, ikiortaanikkut, piumassutsitsinnik qineqqusaarnerni “sorsoqataasarnikkut” allaffimmilu ikiortaasarnikkut.

Arnat saqqummernerisa kingorna allat saqqummeralersimanerat Mari Laursenip tupaallaatigaa. Neriuutigaalu inuiaqatigiinni killiliisinnaassuseqarnerup ersarinnerulerneranik kinguneqassasoq.

- Saqqummiinerput/saqqummerartunik kalitaqartut apeqqusiisutut ipput imak "taavami naak killissaq?” Akissutissaa nalunanngikkaluassusia, ileqqorissaarfigitinnissaq, pissusigissaarfigitinnissarlu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER