Skip to main content

Maqaasineqartut pingasut ujarneqarneranni qulimiguulik aallartinneqarpoq – umiatsiaq qaqinneqarpoq

Sisamanngornermi qulimiguulik angutit pingasut maqaasineqartut ujaarineqarneranni aallartinneqarpoq. Maqaasineqartut inuit umiatsiaat qaqinneqarpoq.

Umiatsiaq kivingajassimasoq timmisartumik sumiissusersineqarsimasoq, Issittumi Sakkutooqarfiup pingasunngornermi unnukkut ilisimatitsissutigaa, taanna umiatsiaq angutit pingasut maqaasineqartut angallatigisaattut ilisarnaataanut naleqquppoq.

Maqaasineqartut pingasut Qeqertamit Ilulissanut arfininngornermi aallarput, kisianni tikinngitsoorput, ataasinngornermiilli ujaarineqalerput.

Sisamanngornermi ullaap tungaani Issittumi Sakkutooqarfimmi kommandørkaptajn, Brian Jensen, Sermitsiaq.AG-mut oqaluttuarpoq, umiatsiaq kivingajassimasoq Qeqertarsuarmut angallammik sakkutuujunngitsunit kalinneqarsimasoq.

Tassani politiit umiatsiaq misissorpaat, umiatsiarlu taanna angutit pingasut arfininngormat aallarnerminni atugarigaat uppernarsarneqarpoq.

Ujaasineq nanginneqartoq

Umiatsiaq ajutoorsimasoq Qeqertarsuarmit kujammut sumiiffimmi 20 kilometerisut isorartussusilimmi nassaarineqarpoq, oqartussalli inuit pingasut ilaasut nassaarinngilaat.

Sisamanngornermi ujaasinermi umiatsiap nassaarineqarfiata nalaa ujaasiffigineqassasoq, Brian Jensen oqaluttuarpoq:

- Ullumikkut Air Greenlandip qulimiguuliutaanik ikiorneqarluta nangeqqissavarput, Brian Jensen oqarpoq.

Kajumissaarut suli atuuppoq

Suliassaq ilungersunartorujussuusoq, kommandørkaptajnip oqaatigaa, tassami ujaasiffiusoq angisoorujussuuvoq.

Angutit taakku maqaasineqartut umiatsiamik ajutoorsimasumiittut qanoq pisimasinnaanersut maannakkorpiaq eqqoriarusunngilaa. Pingasunngornermi ima nassuiaavoq:

- Maanna qanigisaasunut piffissaq manna nalorninartorujussuullunilu sunnertiffiuvoq, taakku asasatik qanoq pisimanersut suli paasinngilaat.

Innuttaasut sumiiffimmi angalasut immikkut maluginiagaqaqqullugit, Brian Jensen kaammattuilluni oqarpoq. Suliamut tunngasumik paasissutissaateqartut tamarmik Kalaallit Nunaanni Politiinut attaveqaqquneqarput 70 14 48.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER