Maniitsumi qeqqussanik katersineq iluatsilluartoq
Royal Greenlandip qeqqussanik misileraalluni naatitsinerani qeqqussanik siullernik katersisoqaqqammerpoq. Qeqqussat pitsaassuseqarluartuupput, taamaammat qeqqussanik naatitsinerup qanoq aningaasartaqarnera maanna nalilersuiffigineqassaaq
Royal Greenland Kalaallit Nunaata imartaani qeqqussanik naatitsinermik misileraanerminit qeqqussanik siullernik katerseqqammerpoq.
Qeqqussanik naatitsivik Maniitsumiit 2 sømilit missaannik kujammut-kangimut ungasissusilimmiippoq qeqertallu akornanniilluni, naatitsiviillu imartunersaniillutik qeqqussallu allunaasanik naatinneqarsimallutik. Misileraanermik suliniut 2018-imi aallarnerneqarpoq, taamaanilu qeqqussat kangerlummut iliorarneqarlutik.
Misileraanermut aqutsisup, business development managerip Nikoline Ziemerip, qeqqussanik naatitsivimmi qeqqussanik naajartortitsisoqarsinnaanera 2019-imili maluginiarsinnaanngorsimavaa, maanilu juulip naanerani qeqqussat siulliit tassa katersorneqarlutik.
Kusanartumik sukkasuumillu
– Kusanartumik sukkasuumillu naajartorsimapput Qeqqussanik kissaatigineqanngitsunik naasoqarsimanngilaq. Aasaraangat taama pisoqartaraluarpoq, taamaammat piffissaq eqqorlugu katersisimavugut, Nikoline Ziemer oqaluttuarpoq.
Qeqqussat Royal Greenlandip Maniitsumi suliffissuani suliarineqassapput, tamatumanilu immikkoortiterneqassallutik, salinneqassallutik poortorneqassallutillu.
– Maniitsumi suliffissuaq saarullinnik Nutaaq Codinik tunisassioreerpoq, taamaammat sumiiffimmi angallateqarlutalu atortoqarpugut, qeqqussat isumaginissaannik ajornannginnerulersitsisunik, Nikoline Ziemer nassuiaavoq.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: