Maniitsumi peqqinnissaavik matoqqavoq

Maniitsumi peqqissaavik innuttaasunut matoqqalersimasoq, Maniitsumi innuttaasup Sermitsiaq.AG-imut paasissutissiissutigaa. Peqqissaavimmi sulisoq tunillatsissimasoq corona pillugu allattoqarfiup uppernarsarpaa.

Corona pillug allattoqarfiup paasissutissatai kingulliit pillugit allaaserisaq nalunaaqutaq 14.45 nutarterneqarpoq.

Maniitsup Peqqissaaviani sulisup ataatsip tunillatsinnerata kingunerisaanik, maanna peruluttuunngitsut saaffiginnittarneri matoqqatinneqarput, corona pillugu allattoqarfik Sermitsiaq.AG-imut paasissutissiivoq.

Tunillatsissimasup Maniitsumi tunillatsissimanissaa ilimagineqarpoq, kisianni tunillatsinneq suminngaaniinersoq suli ilisimaneqanngilaq.

- Maannarpiaq inuk ataaseq tunillatsissimasoq paasineqarpoq, kisiannili sulisut sinneri qanitaammata peqqissaaviup ammatinneqarnissaa ajornarpoq. Sulisut misissugassanik tigooqqaavigineqareerput, taakkulu inerneri pigineqaleriarpata peqqissaavik saaffiginninnernut nalinginnaasunut peruluttuunngitsunullu ammaqqinneqarsinnaanersoq peqqissaavimmi aqutsisut naliliiffigissavaat, oqartussaniit paasissutissiissutigineqarpoq.

Peruluttoqarnerani innuttaasut oqarasuaamut saaffiginnissapput

Maniitsumi peqqissaavik perulusunngitsunut saaffinnittarnerit matoqqatinneqarput. Peruluttoqarnerani suli oqarasuaamut 81 32 11-imut sianertoqarsinnaavoq. Peqqissaavimmi sulisut annertunerusumik paasissutissiisinnaanngillat peqqissutsimullu aqutsisoqarfimmut innersuusillutik.

Maniitsumi siuliani tunillatsittoqarnikuunngilaq.

Powered by Labrador CMS