Maniitsumi erngup nukinga atorlugu nukissiorfiliortoqarnissaa Qeqqata Kommunianit neriuutigineqarpoq
Sanaartornissamut aningaasaliinissaq eqqarsaatigalugu, Qeqqata Kommuniata Maniitsup eqqaani erngup nukinga atorlugu nukissiorfiliornissaq akikinnerpaatut aningaasaliinissamullu qajannaannerpaatut kommunimit isigineqarpoq
Maniitsup eqqaani erngup nukinga atorlugu nukissiorfiliortoqarnissaa neriuutigalugu Qeqqata Kommunia Namminersorlutik Oqartussanut ukioq manna nalunaaruteqarpoq.
Tamanna kommunalbestyrelsip ataatsimiinneranut atatillugu imaqarniliami takuneqarsinnaavoq.
Kommunalbestyrelsimi ilaasortap kiisalu teknikkeqarnermut ataatsimiititaliami ilaasortap Siverth K. Heilmannip (A) sooq una pilersinneqartariaqarnersoq nassuiarpaa:
- Maniitsup eqqaani taseq nukimmik pilersitsilluarsinnaasoq Nukissiorfinnit nalunaarutigineqareerpoq, tamanna atorluarneqartariaqarpoq. Aamma allat pissutaallutik pilersinneqarnissaa neriuutigaarput, tassami Alcoa pilersaarutaareersimagaluartoq taamaatiinnarneqarnikuuvunga, tassunga taarsiullugu erngup nukinga atorlugu nukissiorfiliortoqarnissaa kissaatigineqarpoq, tassami aamma illoqarfimmut suliffissanik pilersitsissaaq, oqarpoq.
Nukissiorfiit amerlanerusut
Nuummi erngup nukinga atorlugu nukissiorfik mikivallaalilersimasoq kommuni isumaqarpoq.
- Sanaartornissamut aningaasaliinissaq eqqarsaatigalugu, Qeqqata Kommuniata Maniitsup eqqaani erngup nukinga atorlugu nukissiorfiliornissaq akikinnerpaatut aningaasaliinissamullu qajannaannerpaatullu qinersimavaa, Manitsullu eqqaani teknikkikkut misissuinermi suliniuteqarnissaq salliussimallugu, imaqarniliami takuneqarsinnaavoq.
Suliaq Kommunalbestyrelsimut inaarutaasumik akuerineqartussanngorlugu ingerlateqqinneqarpoq.