Skip to main content

Maniitsoq: Issittup nunataata assiliorsimaneranik saqqummersitsineq

Janne Breinholdt Bak Maniitsumi aggustip aappaani saqqummersitsissaaq. Meeqqat eqqumiitsuliortoq peqatigalugu titartakkaminnik aamma saqqummiinissamut periarfissinneqarput.

Eqqumiitsuliortoq Janne Breinholt Bak 2017-imi qalasersuaq avannarleq qulaallugu timmisartorsimavoq, nunalu alutorsaatigisimagamiuk nunap assingi 1500-ikkunneersut ullumikkullu atorneqartartumi Google Mapsimi nunap assingi misissuiffigilersimavai.

- Kinaassutsitsinnik nunarsuarmullu ilaasutut qanoq immitsinnut isiginitsinnik nunap assinga annertuumik oqaluttuanik takutitsisuuvoq. Tamanna nunat immallu issittumi avannarlermi immap naqqanik naalagaaffissuit piumasaqarneratigut, uannut immikkorluinnaq ersarissititsivoq, Janne Breinholt Bak oqaluttuarpoq.

Eqqumiitsuliortoq nunanik uuttortaasartumik ataataqarluni alliartorsimavoq, nunallu oqaluttuassartaannik assiliorneqartarnerannillu nuannarinnilerneranut tamanna pissutaaqataasimalluni.

Eqqumiitsuliortup suliai ataasinngorpat nal. 19.00 Maniitsup Katersugaasiviani saqqummersinneqassapput. Meeqqat aamma saqqummersitsinissaat immikkut aaqqissuunneqarsimavoq.

- Saqqummersitsinermut atatillugu Maniitsumi Katersugaasivik marlunngornermi 3.8 aamma pingasunngornermi 4.8 nal. 13-16 meeqqanut 8-13 ukiulinnut workshoppertitsissaaq, tassani meeqqat nipilersorsinnaallutik titartaasinnaallutillu. Taakku titartagaat pingasunngornermi 4.8 nal. 17 Janne Breinholt Bak eqqumiitsuliai ilagalugit saqqummersinneqassapput, tassani kikkullluunniit saqqummersitsinermut tikilluaqqusaapput, katersugaasivimmi pisortaq Peter Nygaard oqarpoq.

Issittoq pillugu soqutiginnittoqarluartoq

- Qalasersuaq, issittumi oqaluttuat, naalagaaffiit inuillu ataasiakkaat tiguaarusussusaat aammalu inuiaqatigiit imminnut paasisinnaasusaannut tunngatillugu nunat issittuni naalagaaffissuit nunap assinganik titartaagaataasa akornanni pissutsit, Nunat immallu issittut avannarliit nunap assingani titarnerit malunnartitsisunik saqqummiinermi misissorneqarsinnaapput.

- Tamatuma saniatigut Nunat immallu issittut avannarliinut nunap assingani ukiuni taakkunani titartarneqarsimasut, piffissami tassani atuukkallartutut takutitsisuupput. Nunat immallu issittumi avannarlermiittut allanngoriartorput, Peter Nygaard saqqummersitsinissaq pillugu oqarpoq.

Maniitsumi meeqqat innuttaasullu allat ataasinngornermi aggustip aappaaniik septembarip 30-ata tungaanut saqqummersitanik takuniaajartorsinnaapput.

Eqqumiitsuliat 2020-mi upernaakkut Qeqertarsuup Katersugaasiviani saqqummersinneqassapput. Saqqummersitat Danmarkimi Galleri Tom Christoffersenimi aamma saqqummersinneqarsimapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER