Mindeværdigt
Mandelap eqqaaniarneqarnerani Rasmus Lyberth erinarsussaaq
Sapaatiuppat Sydafrikap præsidenterisimasaa Nelson Mandela-ugaluaq Christians kirke-mi eqqaaniarneqassaaq. Tamatumani ilaatigut Rasmus Lyberth erinarsussaaq
Nelson Mandela, Sydafrikap præsidenterisimasaa sisamanngormat toqusoq, aamma Danmarkimi eqqaaniarneqassaaq.
Taamatut allappoq EkstraBladet.
Aamma atuaruk: ICC: Mandela nunarsuup ileqqorissaarnikkut siuttorisimavaa
Aamma atuaruk: Aleqa: Mandela qutsatissaqarfigaarput
Eqqaaniaaneq pissaaq Københavnimi Christians kirke-mi nalunaaqutaq 10. Eqqaaniaanermi oqaluussisuussaaq sognepræst Flemming Pless. Tamatuma saniatigut suliassaqartitsinermut ministeri Mette Frederiksen oqalugiassaaq.
Eqqaaniaalluni naalagiarnermi eqqumiitsuliortut arlallit erinarsussapput: Rasmus Lyberth, Palle Mikkelborg aamma Ayi Salomon, Baobab Koret aamma Carsten Bro, taamatut allappoq EkstrsBladet.
Oqaluffik 600-t missaannut issiavissaqarpoq, Flemming Plessili isumaqarpoq 800 angullugit isersimasoqarsinnaasoq, naalagiarnerlu tamanut ammavoq.