Mamarliiniarluni pilliutissarsiortoq

Snapchat-imi profili killissarititaasut qaangerlugit saqqummiussaqartarniarpoq, soorlu inuit atisaqanngitsut aamma persuttaasut pillugit assinik.

Mikkel Svendsen Kalaallit Nunaanni Politiini pitsaaliuinermut aamma misissueqqissaartarnermut immikkoortumi aqutsisuuvoq: - Ukiukitsuugaanni unioqqutitsillunilu kikkunnut tamanut ingerlatitseqqiisimasutut eqqartuunneqarluni meeqqanik innarliisimannginnermut uppernarsaammi tamanna nalunaarneqassaaq.

Kikkut tamarmik attaveqatigiittarfii pitsaasorpassuaqarfiusarput. Kisianni aammattaaq taakkuupput kulturimik kusanaatsumik atuiffiusartut, soorlu ingutsisarnermut, salloqittaallutik profileqarnermut, ajortisaanerinernut aamma allanik ajortitsiniutinut atorneqartarlutik. Maanna allamik nutaamik tamakkununnga tunngasumik ilanngussaqarsinnaalerpugut.

Tassa Snapchat-profil Nuummi ingutsiniutinik pissarsiorpoq, tassunga ilanngullugit filmiliat naatsut ilaatigut persuttaanermut tunngasut aamma inuit atisaqanngitsut pillugit assinik, pineqartut aqqi ilanngunneqarnissaat kissaatigineqarnerulluni, aviisi AG allappoq.

Oqartussaasut taamatut ingutsisarnissamut qitiusoqarfimmut iliuuseqarsinnaanngipajaarput. Taamatut profileqalernissaq imaluunniit taama ittunik ilanngussassanik noqqaaneq inerteqqutaanngilaq.

- Kisianni assinik aamma videonik inuit allat susassarinngisaannik siaruarterineq inerteqqutaavoq. Nikanarsaaneq aamma kannguttaalliorfiginninneq pillugit eqqartuussaasoqarsinnaavoq. Taamatut aamma pisoqassaaq persuttaasunik assinik siaruaassinermi, Mikkel Svendsen, Kalaallit Nunaanni Politiit pitsaaliuinermut immikkoortumi aqutsisoq oqarpoq.

Allaaserisaq tamaat uani AG-mi atuaruk:

Powered by Labrador CMS