Malik pulaarlugu
Naluttarfimmut pingaaruteqarluinnarpoq angut ataaseq. Anthon Thomassen. AG-p tusagassiortuanut angalatitsivoq silaannarmi klorisunnitsumi, aalartumi aamma aamarsuarsunnitsumi. Taassuma suliassaraa nalunnguariartut pitsaanerpaamik misigisaqartinnissaat.
Naluttarfik Malik Nuummiittoq ukiut 18-it matuma siornatigut ammarpoq, ukiullu tulliani Anthon Thomassen atorfinippoq. Taanna ulapporissorsuuvoq suliamigullu isumassarsillaqqissuulluni. Ukiut ingerlaneranni naluttarfimmi teknikimut naluttarfimmi kisiartaalluni ilinniagaqartuuvoq, maannalu taaguuteqarluni teknikeritut pisortaattut.
Aviisi AG taama allappoq.
Anthon naluttarfimmi kisiartaalluni teknikeriuvoq, kisiartaavorlu atortut qanoq aqunneqarnissaannik ilisimannittoq. Teknologi atorneqalinngikkallarmat tamanna ajornartartorujussuusinnaasarpoq. Qungujulluni assersuusiorpoq ilaannikkut qanoq tamanna ajornartigisinnaasarneranut. Kisianni aammattaaq amerlasuutigut unamminartuusartoq pissanganartoq:
- Upernavimmiippunga pikkorissarlunga atortua ajoquteqalermat. Sulisut ilaata sianerfigaanga, kisianni aqutsinermut atortoq telefonimut attaveqanngitsumiippoq. Taamaattumik attaveqarfiusinnaamut periarluni oqaloqatigisariaqarpaanga taavalu aqutsinermut atortumut uterluni suliaqariartorluni. Kiilerikkut atortuanut innersuuttariaqartarpara aqqutaanilu qanoq iliornissaanik nassuiaallugu. Sequnngerlunga tamanna takorloortariaqarpara qanoq iliornissaanik kukkusumik innersuunniarnagu, neriuinnarpungalu innersuussutikka eqqaamassagai, illarluni oqarpoq.
Aviisimi AG-mi atuarnerusinnaavutit. Aviisi uani pissarsiariuk: