Skip to main content

Malik nuannaartoq: ATV-nut aqqusinermik sanaartornissamut isumaqatigiissut atsiorneqarpoq

Kangerlussuarmiit Sisimiunut ATV-nut aqqusineqarnissaq ukiuni arlalinni oqaluuserineqareerluni takorluugaannaajunnaarpoq, Qeqqata kommuniata MT Højgaardillu atsioqatigiinnerisigut maanna piviusunngortinneqalerami.

Kangerlussuarmiit Tasersuup tungaanut 21 km. -imik takitigisumik aqqusinninnornissamut MT Højgaard atsioqatigiissutigineqarnikuusoq, Tasersuarmiit Kangerluarsuk Tullerup tungaanut ATV- nut aqqusinissap 102 km takitigisup sanaartornissaanut aamma Qeqqata kommunianiit isumaqatigiissuteqarfigineqarpoq 1 juli 2020. 

- Neriuutigeqaarput pilersaarutit malillugit ingerlalluassasoq, taamatuttaaq ATV-inut aqqusinissaq kingusinnerpaamik aappaagu naammassineqassasoq, taamaasilluta kingusinnerpaamik aappaagu ATV-nik Sisimiunut apuussinnaassalluta, Borgmesteri Malik Berthelsen tusagassiorfinnut nalunaaruteqarnermi ilisimatitsivoq.

- Kangerluarsuk Tulliup Sisimiullu akiornanni aqqusinermut (imm. 2) ASN-imik nalunaarusiaq nutartigaq neriuutigineqarpoq ukioq manna inaarutaasumik akuersissutigineqassasoq, borgmesteri oqarpoq.

Nivariaqqaarneq siulleq

Kangerlussuarmi Kellyvillemi juulip 20a-ni nivariaqqaarneq siulleq pissasoq naatsorsuutigineqarpoq. Kommunip innuttaasut sapinngisamik amerlasuut nivariaqqaanermik isiginnaarsinnaatinniarlugit, Kangerlussuarmiit Kellyvillemut bussinik ingerlatsinissaq aaqqissuussimavaa.

- Nivariaqqaarnissamut assorsuaq qilanaarpunga, taamaalilluta Kangerlussuarmiit Sisimiut
tungaanut aqqusinissap aallartinnissaa avammut takutittussanngoratsigu. Tassungalu atatillugu Kangerluarsuk Tullermiit Sisimiut tungaanut aqqusiornissap kingulliup (imm. 2) Naalakkersuisuniit aamma akuersissutigineqarnissaanut isumalluarpunga. Anguniarparput 2021-imi aqqusinersuup Sisimiunut apuutivinnissaa. Qilanaaqaangalu kalaaleqatigut nunarsuarmioqatigullu pinngortitami tupinnaannartumik kusanartumi ATV-inik cykelinillu misigisassarsiorlutik angalasut takusalernissaannut, Malik Berthelsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER