Qeqqata Kommunia

Malik Berthelsen Sisimiuni qinerneqarnerpaavoq

Qeqqata Kommuniani Malik Berthelsen borgmesterinngornissaminut piareersimavoq, Maniitsumilu kisitsisit utaqqigallarpai

Malik Berthelsen Sisimiuni inuttut taajuunneqarnerpaasoq

Malik Berthelsen, Siumut, Sisimiuni inuttut taajuunneqarnerpaavoq.

Nunatsinni illoqarfiit annersaata aappaanni Malik Berthelsen 519-inik taaneqarsimavoq.

Malilk Berthelsen akisussaaffimmik tigusiniarluni kommunalbestyrelsimut qinigassanngortilluni, Sermitsiaq.AG-mut oqaatigaa.

- Taamarsuaq qinerneqarsimangama qinersisinnut qujarusuppunga, Malik oqarpoq.

Malilk Berthelsenip taama amerlatigisunik taaneqarsimanini tupaallaatigalugu oqaluttuaraa.

- Kommuneqarfitsinni Siumut tunuliaqutaralugu qineqqusaartorpassuupput, taamaammat oqariartuuteqarniarneq ajornakusoorsimavoq. Taaguunneqarluarsimanera assut nuannaraara, kommunimullu sulissuteqarnissannik nukissannik tunineqarpunga.

Qeqqata Kommunianilu, Hermann Berthelsenip (S), taarsernissaa piareersimaffigaa.

- Borgmesterinngornissannut piareersimavunga, Maniitsumilu qinersisimanerit takoqqaalaariartigit. Taamaammat maanna uannut borgmesteritut taasinnaanngikkallarpunga, Malik Berthelsen oqarpoq.

Maniitsumi Atassutip siulittasua, Siverth K. Heilmann, inuttut taaguunneqarluarnerpaasimavoq 517-inik taaneqarluni.

Powered by Labrador CMS