Skip to main content

Malik Berthelsen Qeqqani isumaqatigiissuteqarpoq

Qeqqata Kommuniani Siumut IA-mik Atassummillu suleqateqalerpoq. Malik Berthelsen bormesteritut ingerlaqqippoq.

Malik Berthelsen tupinnanngitsumik Qeqqata Kommuniani bormesterioqqilerpoq. IA Atassullu kommunalbestyrelsimi ukiut sisamat tulliuttut suleqatigissallugit isumaqatigiissuteqarfigisimavai.

Isumaqatigiissummi ilaatigut uku anguniagassat ilaattut allassimapput:

  • Isumaginninnerup pitsaanerulersinneqarnissaa
  • Kommunimi inuussutissarsiutinik ineriartortitsinerup taperserneqarnissaa
  • Peqqissuunissamik pinaveersaartitsinermillu suliaqarnissaq
  • Meeqqat atuarfiata inuusuttullu suliffeqanngitsut ukkatarineqarnissaat
  • Ilinniartitaaneq

- Qinigaaffimmi kingullermi meeqqat atuarfiat pingaarnerutissimavarput, siunissagissaartuunissamut tamanna tunngaviummat, tamannalu ingerlateqqissavarput, borgmesteri isumaqatigiissut nutaaq pillugu Sermitsiaq.AG-mut oqaluttuarpoq. 

Taassuma nassuerutigaa, aalisartunik piniartunillu sulqateqarneq nukittorsarneqartariaqartoq.

- Tamanna maqaasisimagaat malugisinnaavarput. Taakku atugaat pitsaanerulersinneqassaaq, Malik Berthelsen oqarpoq.

Taassuma erseqqissaatigaa, qinigaaffimmi kingullermi siunnerfittut ingerlanneqartoq ingerlatiinnarneqassasoq.  

-Akisussaassuseqartumik aningaasaqarnermik aqutsinerput ingerlatiinnassavarput. Nukittorsaaffigerusutarpassuavut aningaasarpassuarnik naleqartariaqanngillat, Malik Berthelsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER