Maligassiuisut: Asii ukioq manna Timersullammanngorpoq

Kalaallit Nunaanni Timersoqatigiit Kattuffiat Maligassuisut Show arfininngornermi 14. november ingerlappaa, ukiumilu timersornermik aallutaqarluartut nersorlugit.

Arsartartoq Asii Kleist Berthelsen, Hjørringimi maanna arsartartuusoq ukiumi Timersullammattut, GIF-imit toqqarneqarpoq.

Nersornaasiunneqartut

Nersornaasiinerit akunnilertarlugit unnuk aliikkusersorfiusumik ingerlanneqarpoq.

Nersunaatit katillugit qulingiluat tunniunneqarput.

Kalaallit Nunaanni Timersoqatigiit Kattuffiannit:

• Ukiumi timersullammak: Asii Kleist Berthelsen
• Ukiumi aqutsisuullammak: Abel Jakobsen (Qaqortoq - Qajaq)
• Ukiumi sungiusaallammak: Dorthe aamma Jan Hagberg (Qaqortoq – Badminton)
• Ukioq manna immikkut ittumik nersorneqartoq: Jakob Amondsen (Nuuk)

Paarisamit nersornaasiinerit:

• Ukioq manna atuarfik eqeersimaartoq: Qinnguata Atuarfia - Kangerlussuaq
• Ukioq manna suliffeqarfik eqeersimaartoq: Qasiannguiat Katersugaasiviat - Qasigiannguit
• Ukioq manna inuiaqatigiinni eqeersimaartoq: Abia Ottosen - Ilulissat

Elite Sport Greenlandip nersornaasiineri:

• Piukkunnaatilinnik ineriartortitsilluarnerpaaq: Louis Nielsen (Nuuk - Taekwon-Do)
• Timersornermi takutitsilluarnerpaaq: Maasi Davidsen (Nuuk - Taekwon-Do)

Sermitsiaq.AG-p assiliisartua Maligassiuisuni nersornaasiinermi malinnaavoq. Timersornermi peqqinnerunissamilu maligassiuisut nersorneqarnerannit assit allaaserisap qulaani takusinnaavatit.