Skip to main content

Maleqqunartut aallartilerpaat

Suleqatigiinnit pilersinniarneqalerput Nunatsinni maleqqunartut. Maleqqunartut pillugit oqallittarfeqalernissaa maanna pisariaqalersoq, suleqatgiiit isumaqarput

Suleqatigiit suliniutigaat Ileqqussat Pillugit Siunnersuisoqatgiit pilersinnissaat, inuiaqatigiit akornanni apeqqutit ajornartorsiutasinnaasut ileqqussanut maleqqunartunut tunngassutillinnut isummersorsinnaasut, soorlu makkununnga tunngassuteqarsinnaasut: toqorusuttunut ikiuineq, piartortunut angerlarsimaffiit, meeqqat angajoqqaami napparsimanerani inissikkallagaasartut, angerlarsimaffeqanngitsut meeraasa inissikkallartarneri.

Suleqatigiit, Kalaallit Nunarput, kulturerput inuiaqatigiillu sukkasuumik periarfissanillu annertuunik sunnerneqartut tikkuarpaat. Naalakkersuinikkut pingaarutilinnik, inuiqatigiinnut inunnullu ataasiakkanut sunniuteqartumik aalajagiisoqartarpoq. Tamannalu tamanut atuuppoq, nunaqarfimmiikkaanni, illoqarfimmiikkaaniluunniit, - ilinniarsimasuugaanni ilinniarsimanngitsuugaanni, - arnaagaanni angutaagaanniluunniit - suliffeqaraanni suliffeqanngikkaanniluunniit

- Eqqarsaataavoq Ileqqussaq Pillugu Siunnersuisoqatigiit inuiaqatigiit akornanni eqqartorneqartut isummerfigalugillu oqalliseqataaffigissagai, inatsisinulli aningaasanulluunniit tunngassuteqanngitsut, Inuuti Fleischer, Peqqissaasut Kattuffianni siulittaasoq suleqatigiimmillu aallarneeqataasoq oqarpoq. 

Ileqqussat Pillugit Siunnersuisoqatigiit inuiaqatigiinni maannakkut pisut unamminartut isummersorfigisinnaavai pingaarnertut peqqissutsimut inunnillu isumaginninnermut attuumassuteqartut.

Siusinnerusukkut Ileqqussat Pillugit Eqqarsaqatigiit piusimapput 2006-imiit 2008-amut. Suleqatigiimmik aallartitsisut isumaqarput, maannakkut piffissanngortoq  ileqqussanut apeqqutinut tunngasunik eqqartuiffeqalernissaa. 

- Kalaallit Nunarput ullutsinni maannakkut inissisimavoq, inuiaqatigiinni unamminartut annertuut nutaat takkussuuttuartut, aammalu  tamanna inuiaqatigiit siunissami qanoq isikkoqarnissaanut annertuumik pingaartumik inissisimalluni, soorlu aatsitassarsiornerit, suliffeqarfinnillu nutaanik pilersitsinerit, inuiaqatigiinni nalorninartunik nutaanik unamminartunillu ileqqussanut tunngassutilinnik qimerloorneqartariaqartut Inuuti Fleischer oqarpoq.

Suleqatigiit tallimanngormat Inatsisartut Ilaqutariinermut Peqqissutsimullu ataatsimiititaq suliaminnik saqqummiiffigivaat. Suleqatigiinni Inuuti Fleischer-ip saniatigut peqataapput Rikke Bruun de Neergaard, Pauline Olesen kiisalu Aaja Chemnitz Larsen.

Suliap ingerlanerani inuit soqutiginnittut arlalissuit kiisalu Ileqqussat Pillugit Eqqarsaqatigiinni ilaasortaasimasut malinnaasimapput  tapersersorlugulu Ileqqussaq Pillugu Siunnersuisoqatgiit pilersinneqarnissaa.

Ilaqutariinnermut Peqqissutsimullu Ataatsimiititaliap saqqummiussaq isumassarsiamut suliamillu aallartitsineq pitsaasutut tigulluarpaat. Suleqatigiit alloriaqqinnissaannut tullinnguuttoq tassaavoq politikkikkut soqutigisalinnut allanut suliaq ilisartissallugu/saqqummiutissallugu, neriuutigalugu arlaannut atuumassuteqanngitsumik Ileqqussat Pillugit Siunersuisoqatigiit Kalaallit Nunaanni pilersinneqarnissaat, siunnersuisinnaallunilu oqallissaareqataasinnaasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER