Malaysiamiut suliffeqarfiutaat nutaamik pilersaaruteqartoq: Inissianik 66-inik sanaartorniartut
Malaysiamiut ingerlatseqatigiiffiutaat sanaartornissamut nutaanik pilersaarusiorsimavoq. Tamatumuuna Nuup Qinnguani inissianik 66-inik sanaartornissamik pilersaaruteqarluni.
Malaysiamiut ingerlatseqatigiiffiutaat Berjaya Greenland tunniutiinnarumanani pilersaarusioqqissimavoq.
Illoqarfiit pingaarnersaanni sanaartornissamut marloriarluni siunnersuuteqarsimavoq, siunnersuutigisimasaalu akerliuffigineqarsimaqalutik, taamaattoq ingerlatseqatigiiffik illoqarfiit pingaarnersaanni pingajussaanik suliniuteqarniarluni piareersimavoq.
Suliniut tassaavoq inissianik 66-inik sanaartornissaq, suliniut Kommuneqarfik Sermersuumit tusarniaassutigalugu ingerlanneqarpoq.
Ingerlatseqatigiiffiup nuutoqqami akimasumik akunnittarfiliornissaq kiisalu Qinngutsinni inissianik 98-inik sanaartornissaq siusinnerusukkut siunnersuutiginikuuaa. Suliniutilli taakku marluk tusarniaassutigineqarmata akissuteqaatigineqartuni akerlerineqarsimaqaat.
Akimasumik akunnittarfiliorniarneq taamaammat ingerlaannartumik tunuartinneqarpoq, kommunalbestyrelsilli inissianik 98-inik, timigissartarfilimmik, cafelimmik, pisiniarfittalimmik Qinngutsinnilu talittarfik angullugu "boardwalk"-ertarfilimmik sanaartornissamik qinnuteqaat suli inaarutaasumik aalajangiiffiginngilaa.
Berjaya Greenland suliniummini nutaami, Qinngutsinni sanaartorfioreersumi pinnani allami sanaartornissamik pilersaaruteqarpoq.
Tusarniaanermi atortut naapertorlugit, inissiat 66-it inissiatut mikinerusut, marlunniik sisamanut quleriiutillugit sanaartorneqassapput.
Pilersaarutaavoq inissiat 28-t sanaartorneqassasut, 16-it 67 kvadratmeterisut angitigisut, aqqaneq-marluk 93 kvadratmeterisut angitigisut, aamma inissiat qulit 177 kvadratmeterisut angitigisut sanaartorneqassallutik.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...