Skip to main content

Makitsisoqarnerani borgmesterinngortoq

Asii Chemnitz Narup Kommuneqarfik Sermersuumi borgmesteritut tunuarmat, kiap paarlassaneraa aalajangerniarlugu makitsisoqartariaqalersimavoq.

Charlotte Ludvigsen iluatsitsilluinnartutut taaneqarsinnaavoq. Kommuneqarfik Sermersuumimi borgmesterimik juunip 27-ani toqqaasoqartussanngormat borgmesterissatut makinneqarpoq, atorfimmilu tassani issiasinnaalerluni.

Toqqaaniarneq pissanganarluinnarsimavoq, ataatsimiititalianimi siulittaasut Uju Petersen imaluunniit Charlotte Ludvigsen arlaat borgmesterissatut toqqarneqartussaammata.

Taasisut naligiittut

Nuummi borgmesterip allaffiani kina issialissanersoq, politikerit qulit taasissutigisussaavaat. Taasinermi Asii Chemnitz Narup peqataassanani aalajangersimavoq, tassungalu sinniisuusoq, Lone Rosengreen, IA, aggersarneqarsimalluni.

IA Suleqatigiissitsisut sinnerlugit ilaasortaannut Michael Rosingimut isumaqatigiissuteqarsimavoq, taannalu taasinermi pissanganarluinnartumi aamma peqataavoq.

Uju Petersen aamma Charlotte Ludvigsen taasinermi tamarmik tallimanit taaneqarsimasut paasinarsivoq. Naligiittoqarnera pissutigalugu makitsisoqartariaqalersimasoq, Sermitsiaq.AG-p paasivaa.

Uju ajorsarpoq

Uju Petersen IA tunuliaqutaralugu politikerini, qinersinermi kingullermi taajuunneqarluarnerit ilagaat. Taajuunneqarnerusimanerli tunngavigalugu borgmesterinngorsinnaasimanngilaq.

Borgmesterissamik toqqaaniarnermi politikerit peqataasut Sermitsiaq.AG-p oqaaseqartinniarsimagaluarpai, taakkuli oqaaseqarumanngillat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER