Skip to main content

Majoriaq qitiusumik ingerlatsiviit: Ikittuinnaat suliffissarsiorlutik nuuttarput

Ikittuinnaat imaasiallaannarlutik najukkaminnit sumiiffimmut suliffissaqarfimmut nuuttarput, tamanna Majoriaq qitiusumik ingerlatsivinnut arlalinnut apersuinerup takutippaa. Politikerit kissaatigaat amerlanerit suliffissarsiorlutik nuuttarnissaat, tamannali peqatigalugu nassuerutigalugu tamanna ajornakusoortuusoq.

Nunatsinni ingerlatsiviit arlallit sulisussaaleqipput. Tamanna Sulisitsisut Peqatigiiffiata ilaasortami akornanni misissuinerata takutippaa. Nuummi Majoriaq nalunaarpoq Naleqquttoq 1-imiittunik soqanngitsoq.

Tamanna peqatigalugu sinerissami Majoriaq qitiusumik ingerlatsivinni arlalinni inoqarpoq Naleqquffik 1-imiittunik. Tamakkua sulilernissaminnut piareersimapput suliffissarsisinnaanatilli. Suliffissarserusukkunik ilarpassui nuuttariaqarput.

– Nuuttartut amerlanngillat. Ukiumut immaqa marluk pingasulluunniit. Amerlanerpaat maani namminnerisaminnik illoqarput, qujanartumillu aamma maani suliffissaaleqisut ikiliartorput, Johan Kleemann oqarpoq.

Sisimiuni Majoriaq naapertorlugu Sisimiuni eqqaanilu inoqarpoq 105-inik naleqquffik 1-imiittunik, taamaasillunilu aperineqartunit tassani naleqquttoq 1-imiittut amerlanersaapput.

– Ataasiakkaanik suliffissarsiorlutik nuuttoqartarpoq, maanili Sisimiuni inuit ilaquttaminnut nukittuumik attaveqarput, taamaattumik nuunnissaq ajornakusoortittarpaat, Mariane Heilmann oqarpoq.

Nuunnissamut aningaasat amerlanerusut

Sulilernissaminnut piareersimasut suliffeqanngitsut suli amerlagaluartut ingerlatsiviit arlallit sulisussaaleqipput. Tamanna aaqqiivigineqassaaq pitsaanerusumik nuussinnaanikkut, Erik Jensen isumaqarpoq. Taamaattumik aappaagumut aningaasanut inatsisikkut nuussinnaanerup siuarsarnissaanut aningaasaliissutit 1,1 millioner koruuniniit 2,1 millioner koruuninut amerliniarpai.

Múte B. Egedep Erik Jensen isumaqatigaa amerlanerusut nuuttalernissaat pitsaasuusoq, nuussinnaanerulli siuarsarnissaanut amerlanerusunik atugassaqalersitsinnginnermi paaseqqaarusuppaa ullumikkut aningaasat qanoq amerlatigisut tamatumunnga atorneqartarnersut.

– Tamanna atortut atorneqarsinnaasut ilagisinnaavaat, apeqqutaavorli aningaasat tamatumunnga immikkoortinneqareersimasut tamarmik atorneqarsimanersut, Múte B. Egede oqarpoq.

 

Allaaserisaq tamakkiisoq Sermitsiap aviisiani kingullermi atuarsinnaavat. Aviisi digitaliusoq uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER