Skip to main content

Mailit 3.000-t kingorna: Maanna illersuisunngorpunga

Folketingimut ilaasortat Savalimmiuni niisarnarniarnermut akerliusunit piffissami matumanerpiaq mailsinik allaffigineqaqattaarput

'Ullumi mailbox-ikkut saassunneqaqattareerlunga maanna savalimmiormiut piniariaasitoqaat tapersersulerpara'.

Taamatut Anders Samuelsen, Liberal Alliancep siulittaasua Facebookimi quppernermini allappoq.

Akerliuniat Sea Shepherdimeersut kikkut tamaasa, Savalimmiuni niisarnat amerlassusaannik ernumassuteqartut kajumissaarpai ingerlaannavik Folketingimut ilaasortanut mailinik akerliliissutinik allaqqullugit.

Mailsit tusinterpassuit

Amerlaqaallu taamaasiorsimasut.

Eqqarsaatigalugu ernumanarpoq Savalimmiunit folketingimut ilaasortat marluk mailsinik qanoq amerlatigisunik allaffigitissimanersut, tassami ippassaq sapaataannarmi Anders Samuelsen mailsinik akerliussutsinik 3.000-t sinnilinnik allaffigineqarsimavoq, ilaat sakkortoorujussuit.

Piffissap ilaani politikeri talerperliusoq, manna tikillugu niisarnarniarnermut isummersimanngitsoq, minutsimut mailsinik 3-5-inik nassinneqartarsimavoq.

Sea Shepherdilli mailsinik nassiusseqquseqattaarnera siunertaminut sunniuteqanngiaq. Anders Samuelsen ullup aallartinnerani allappoq:

´Mailsit illuarluanngitsut nunarsuarmit tamarmeersut 2.000-t sinnillit tiguvakka, ilanngullugit pinngitsaalisamit timmiaatitortartunit franskinit, 'fuck you'-mik allannissamik ilikkarsimasunit ullumi piniartarnitoqaq akerleralugu allattoqarsimavoq. Qularutigissanngilarsi spam-it taamaattut 100 procentimik akerlianik sunniuteqartut. 'Grrrrrrrr' folketingimut ilaasortaq allappoq.

Mailsit akerliussutit qallunaanit taperserneqanngillat

Mailsikkut akerliuniarneq Sea Shepherdip siulittaasuanit Paul Watsonimit aallartinneqarpoq, taassumalu nammineeerluni nassuierutigaa folketingimut ilaasortanit 179-init ataasinnguamilluunniit tapersersorneqarluni akineqarsimanani.

Savalimmiormiut niisarnarniartarnerat politikerit tamarmik tapersersorpaat.

Taamaasilluni Dansk Folkeparti-meersup Ib Poulsenip Paul Watson imatut akisimavaa:

'Savalimmiormiut inuunertik inuunerissavaat, kulturiallu ataqqissavarput. Qularnanngilaq inuup nillataartitsivimmiinnavik nerisassarsiortartup tamanna akuersaaruminaatsimmagu'.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER