Maibrittip nalorninera artornartoq
Innarluutilimmut ernisumut anaanasoq panimmi meerartaava paarissanerlugu suli aalajangiiffiginngilaa. Ernutartaarnissara naatsorsuutigisimanngisaannarpara. Akerlerluinnaanimmi piaarersaraluarpunga, isumaqaramami paniga annaalerlugu, taanna oqarpoq.
- Soorunami meerannguaq asavara, Maibritt Lothsen qungujulluni assani qiviaatigalugit oqarpoq.
Taama oqarlunilu timaa tassanngaannaq aqussinnaanngisaanik qisuariarpoq. Taamaalinini utoqqatsissutigaa. Maibrittimuna kingunerlutitsinera ersertoq. Kingunerlutitsineq paniata erneriasaarneranik aallaaveqartoq. Aviisi-mit AG-mit allapput.
Arnaq inuusuttoq innarluutilik, ulloq unnuarlu paaqqinnittarfimmi Ivaaqqami najugalik, septemberip aappaani meerartaarpoq, naartunera kimilluunniit siumoortumik ilisimasaqarfigineqarsimanani. Pisoq alianartoq amerlasuunit aalassassutigineqarpoq. Arnaq annertuumik innarluuteqarpoq oqalussinnaanani pisussinnaananilu. Arnap ataasiarluni arlaleriarluniluunniit atornerlugaasimanera naartulerneranik kinguneqarsimasoq oqartussanit ilimagineqarpoq. Politiit suliamik suli paasiniaapput.
Maibritt Lothsen angerlarsimarujoorluni oqarasuaataa sianerpoq. Ilisimanngilaa annilaarnartumik kalerrinneqalernini. Angerlarsimaffimmini qarsussanik qilersuerujoorpoq. Pania anniarmat napparsimaviliaanneqartoq paaqqinnittarfimmit kalerrinneqarpoq.
Maibritt Lothsenip panimmi naavi alliartuinnarmata isumaqalersimavoq perululluni napparsimalersimasoq.
Tuparujussuarpunga arpaannarlu napparsimaviliarlunga. Isumaqarlunga paniga sivisujunnaartoq, ilaquttakka kalerrippakka paniga sivisujunnaarnerarlugu, taanna oqarpoq.
Aviisimi AG-mi atuarnerusinnaavutit. Aviisi uani pissarsiariuk:
