Skip to main content

Mæslingi akiorniaraat

Meeqqat Nuummiut affaannaat mæslingimut akiuussutissamut kapitissimapput. Tamannalu Dronning Ingridip nappaarsimavissuata iliuuseqarfiginialeraa KNR oqaluttuarpoq.

Mæslingimik nappaalasoqarneratigut kingunerusussat nakorsat aarleqqutigaat. Misissuinerummi takutippaa, Nuummi naalungiarsuit affaasa missaannaat nappaammut akiuussutissalerneqarsimasut KNR-p allaaseraa.

- Angajoqqaaniit puigornerusoq qularutiginngilarput. Amerlanerit meeqqaminnut ajunngitsuliorusuttuunerat qularutiginngilarput. Meeqqallu akiuussutissalertinneri ajunngitsuliorneruvoq, Peqinnissaqarfik Sermersuumi nakorsat ittuat Jesper Olesen KNR-imut oqarpoq.

95 procentit kapitissimasariaqarput

Mæslingit virusiupput tunillattartut, meeqqat nappaataanni ulorianarnerpaanut ilasutut isigisaq. Taanna sakkukitsumik anillanneqarluni kiaqarnermiit napparsimarululluni qaratsap ameraasaani aseruuttoornermut. 

Mæslingimik nappaalasoqalissanngippat, innuttaasut ikinnerpaamik 95 procentii akiuussutissalerneqarsimasuusariaqarput. Naalungiarsuillu affaat akiuussutissalerneqarsimanngimmata, mæslingimik nappaalasoqalernissaa nakorsap annilaanngatigaa.

- Aarleqqutigisarput tassaavoq, Nuummi nappaalanermik minnerusumik nappaalasoqalissasoq. Mæslingi nunarsuarmit suli nungutitaanngilaq. Tamannalu  akiuussutissalerneqartut naammannginnerannik pingaarnermik peqquteqarpoq. Tassalu Asiami, aammali Europami aammalumi Danmarkimi mæslingertunik ukiut tamaasa naammattuugassaqartarpoq, Dronning Ingridip peqqinnissaqarfiani nakorsaq Michael Lynge Pedersen KNR-imut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER