Skip to main content

Mælkebøttecenterip meeqqanut iggavia ammarpoq

Meeqqat atugassakinnerusunik ilaqutallit assigiiaannginnerusumik Mælkebøttecenterip meeqqanut iggaviani nerisalernissaminnut periarfissaqalerput

Mælkebøttecenterip qisunnik assassortarfiani meeqqanut iggavik ammarneqarpoq. 

Meeqqat atugassakinnerusunik ilaquttallit aamma atugarissaartunik ilaquttallit nillertunik kissartunillu nerisaqarsinnaanngorput. Meeqqat kaattarnertik isertuuttaraat Mælkebøttecenterimit malugineqartarpoq. 

Oqallisigineqarneq ajortoq
- Maluginiarsimavarput meeqqat inuusuttuaqqallu piffissat ilaanni nerisassanik pisariaqartitsinerat matussuserneqarneq ajortoq, taamaam¬mallu malugisarparput ilaatigut kaattartut, Mælkebøttecenterimi pisortaaneq Kirsten Ørgaard oqaluttuarpoq. 

Meeqqat ineriartorneranni assigiiaangitsunik nerisaqartarneq ineriartorfiussaaq. 

- Meeqqat arlaqartut Mælkebøttimi nerisarput – igaat ulloq unnuarlu najugaqarfimmi iganeqartarput, taamaattorli iggavik meeqqat taamak amerlatigisut nerisassiuunnissaannut mikivallaarpoq, taamaammallu qisunnik assassortarfimmi aningaasaliisoqarneratigut meeqqanut iggaviliorsimavugut, Mælkebøttecenteri nalunaarpoq. 

Suliffeqarfiit tapersersuisut
Meeqqat iggaviat Mælkebøttip ornittagartaanut atasuusoq, taassumalu sannaviisa ilaat ataaseq iggavinngortinneqarpoq igaqatigiinnissamut nereqatigiinnissamullu inissaqartilerlugu. 

- Pisariaqartitat qanoq annertutigissanersut qulaajarniarlugit aallaqqaammut iggavik sapaatip akunneranut marloriarluni imaluunniit pingasoriarluni nerisassanik sassaallertassaaq aammalu saniatigut sapaatip akunneranut ataasiarluni iffioqatigiissitsisassalluni, Mælkebøttencenteri nalunaarpoq. 

Frederiksberg Mariendal Rotaryklub, Lions Club Nuuk, Lions Grønlandsfond, Nuuk Rotary Klub, Varde-mi Soroptimistit aamma Vejen-imi Soroptimistit, Helene aamma Svend Junges Fond, Inspiration, Kop og Kande, Brugseni aammalu Pisiffik suliniutip pinngortinnissaanut tapersiisimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER