Macron: Trump-ip silap pissusaanut isumaqatigiissummut isummersornini allanngorteriaannaavaa

Frankrig-ip præsident-iata Donald Trump-ip Paris-imi isumaqatigiissut pillugu isummersimanerata allanngortinneqarsinnaanera isumalluarfigaa

Nuna USA-p Paris-imi silap pissusaanut isumaqatigiissummit peqataajunnaartinneqarsinnaaneranut USA-mi præsident-ip, Donald Trump-ip isummersorsimanini allanngorteratarsinnaagaa Frankrig-ip præsident-ia, Emmanuel Macron-ip isumalluarfigaa.

Reuters najoqqutaralugu Le Journal de Dimanche taama allappoq.

- (Trump-ip) oqaluttuuppaanga qaammatini tulliuttunui aaqqiissuteqarfissanik ujartuiniarluni, Macron oqarpoq, innersuussutigalugillu Trump-ilu Paris-imi sisamanngornermi tallimanngornermilu ataatsimeeqateqarsimanini.

- Paris-imi isumaqatigiissummut uteqqinnissamut pisariaqartitai sukumiisumik oqaluuserivagut, Macron franskit aviisianut sapaatikkut saqqummersartumut ilassuteqarpoq.

Trump-i franskit illoqarfiisa pingaarnersaani tikeraartilluni tupaallatitsivoq, tusagassiortunik aggersaanerup nalaani oqarami ”Paris-imi isumaqatigiissummut pisoqarsinnaavoq, takoriartigu".

Silap pissusaanut isumaqatigiissummut Trump-ip isummersorsimanerminut allanngueratarsinnaaneranut matu ikerseqqagaatut oqaaseqarnera tiguneqarpoq.

Powered by Labrador CMS