Skip to main content

Maanna Tasiilami meeqqat tusaaneqassapput

NAKUUSA meeqqat pillugit siunnersuisoqatigiimmik pilersitsiniarluni Tasiilamukassaaq. Tamanna meeqqat namminneq sassartarfissaannik qulakkeerinnittuussaaq.

NAKUUSA aggustip naalernerani Tasiilamukassaaq tassungalu atatillugu Meeqqat pillugit Siunnersuisoqatigiinnut meeqqat ilaasortanngornissaminnut periarfissaqassapput.

Meeqqat suut ajornartorsiutaanerinik oqaluttuarnissamut periarfissaqarnissaannik qulakkeerinnissaaq.

- Misigisimavugut inersimasorpassuit Tasiilami meeqqat atugarisaat pillugit oqallissimaqisut. Maanna meeqqat tusaaneqarnissaannut oqaluuserisassallu sorliit taanerinut pillugit tusaaneqarnissaat piffissanngorpoq, Sara Olsvig, UNICEF Danmarkip Kalaallit Nunaanni allaffiani suliniutinut pisortaq Sermitsiaq.AG-mut oqarpoq

Meeqqat siunnersuutaat

NAKUUSA Danmarkip Namminersorlutillu Oqartussat akornanni suleqatigiinnermik suliniutaavoq ukiut qulingajaat maanna ingerlasoq.

- Meeqqat pillugit Siunnersuisoqatigiit pilersinnissaa qilanaaraarput. Taama ilinikkut Tunumi meeqqat siunnersuutaat isumaallu tusarneqarsinnaanerulissapput. Kingullertut, minnerunngitsumilli, meeqqat pisinnaatitaaffii pillugit qanorlu atorneqartarnerinik meeqqat ilinniartinnissaat qilanaarivarput, Najaaraq Møller, NAKUUSA-mi suliamut aqutsisoq tusagassiuutinut nalunaarummi oqarpoq.

Inersimasut pikkorissarneqassapput

Meeqqat pillugit Siunnersuisoqatigiinnik pilersitsinerup saniatigut NAKUUSA-p meeqqat atuarfianni ilinniartitsisut allallu meeqqanut tunngasunut suliallit meeqqat pisinnaatitaaffii pillugit pikkorissassavaat. Tassani Tunumi illoqarfinni nunaqarfinnilu atuarfinni tamani pisinnaatitaaffiit pillugit siunnersuisoqatigiinnik (Nakuusaaqqat) pilersitsinissaq siunertaavoq.

- Meeqqat pisinnaatitaaffii pillugit assigiinngitsunik amerlasuunik suliniuteqartoqarmat meeqqat ullumikkut pisinnaatitaaffitik pillugit ilisimannipput paasisimasaqarlutillu. Maannakkut inersimasut meeqqat pisinnaatitaaffii paasissavaat. Taamaammat erseqqissumik paasinartumillu inersimasut meeqqat pisinnaatitaaffiinik pikkorissartinneqarnissaat pisariaqarpoq. Taamaattumik Tasiilamiinnitsinni ilinniartitsisut allallu meeqqanut tunngasunut suliallit meeqqat pisinnaatitaaffii pillugit pikkorissaanermut aggersassavagut, Najaaraq Møller, NAKUUSA-mi suliamut aqutsisoq oqarpoq.

Oqallinneq sioqqullugu pilersaarusiaq

Tunumi Meeqqat pillugit Siunnersuisoqatigiinnik pilersitsineq pisinnaatitaaffiillu pillugit siunnersuisoqatigiinnik uummarsaaqqinneq Tasiilami meeqqat atugarisaat pillugit upernaami oqallinnersuup kingorna pilerpoq. Pilersitsiniarnerli tamassuma sioqquterujullugu pilersaarutaasimavoq. 2018-imi Gentofte UNICEF-illoqarfiuvoq.

Tasiilami, Gentoftep illoqarfittut ikinngutigisaanut, immikkut ittumik iliuuseqartoqarnissaa kissaatigineqarluni UNICEF-imut taakani aningaasanik katersuisoqarpoq.

- Meeqqat pisinnaatitaaffiinik aaqqissuussaasunik suliaqaraanni meeqqat namminneq pisinnaatitaaffitsik siuarsarsinnaagaat pillugu UNICEF-ip misilittagai annertuut toqqammavigalugit pilersitsivugut, taamaasilluni meeqqat siuariartorlutillu nukittussapput, Sara Olsvig oqarpoq.

Tasiilami innuttaasut NAKUUSA-p Tunumi Meeqqat pillugit Siunnersuisoqatigiinnik pilersitsisoqarneranut atatillugu aaqqissuussamut qaaqqusaapput.

Meeqqat 13-18-inik ukiullit Meeqqat pillugit Siunnersuisoqatigiinnut ilaasortanngornissamut qinnuteqarnissamut periarfissaqarput, qinnuteqarneq NAKUUSA-p nittartagaatigut pissaaq.

Tunumi Meeqqat pillugit Siunnersuisoqatigiit immikkut siunnersuisoqatigiiussapput naak Tunu Kommuneqarfik Sermersuumiikkaluartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER