Skip to main content

- Maanna arnartaqalissapput

Ane Marie Møller Andersen Uummannami kommunalbestyrelsemut qinigassanngortittut angutit aqqaneq marluk akornanni arnartatuaavoq. Ane Marie-llu illoqarfiit nunaqarfiillu avannarliunerusut pingaartinneruai

Ullumi marsip arfineq pingajuanni 'Arnat ulluanni', Ane Marie Møller Andersen (S) ulapippoq

Katersungaasivimmi qanga nakorsap illorisimasaa, arnat ulluat malunnartinniarlugu arnaqatini allat ilagalugit nerisassanik kaageeqqanillu tuniniaapput nipilersuummiik aliikkutalerlutik.

- Arnaq nutaaliortoq

Aaqqissuussineq ingerlalluarmat Ane Marie, Sermtitsiaq.AG pingaartitaminik oqaloqatiginissaanut periarfissaqarfigivaa.

- Angutit aqqaneq marluk akornanni arnartatuaallunga nutaaliorusullunga qinigassanngortinnini oqaatigaa, nipaassimalaariarlunilu angutit tamarmik nutaaliortuunngitsut oqaatigalugu.

Uummannaq Kommuniungallarmat eqqaamavaa kommunalbestyrelsemi arnamik ilaasortaqartarsimasoq. Qaasuitsulli Kommunianut ilanngunnerata kingorna Uummannamiik arnamik ilaasortaqartarsimannginnerarlugu.

Tamannalu pissutigalugu januarimi aalajangerluni kommunit avannarlersaanni Qaasuitsup Kommunianut qinigassanngortinniarluni.

- Politikkimik soqutiginnittuaannarnikuuvunga, kisianni suliaqarsimanngilanga. Aalajangerpungali maanna arnartaqalissasut.

Arnat 14 procentiinnaat

Qaasuitsup Kommuniani qinersisartut avannarliunerusut isumaqataappata Ane Marie Møller Andersen najukkamini allaminngaanniillu qinerluarneqarnissaminut periarfissaqarpoq.

Arnanimmi qinigassaqarluartanngilaq. Qaasuitsup Kommuniani qinigassanngortittut Sermitsiaq.AG-p naatsorsorsimasai malillugit arnat qinigassanngortittut quliupput angutillu 59-ullutik, arnat qineqqusaartut taamaallaat 14 procentiullutik.

Uummannaq Siumoqarfiuvoq tassanilu qinigassanngortittut 36-it akornanni arnat tallimaannaapput.

Ane Marie Møller Andersenip arnat qinigassanngortittut sooq taama ikitsigineri eqqoriaruminaatsippaa. Ilimagaalu suliffimmik ilaquttanillu ulapputeqarneq peqqutaaqataasinnaasoq.

Kalaallit Nunatsinni avannaani pissutsit kisimik taamaanngillat.

- Angutit qinigassanngortittartut amerlanerusarput, Ane Marie oqarpoq.

Ineriartortitseqataarusuttoq

Qaasuitsup Kommuniani illoqarfiit avannarliit pingasut Upernavik, Uummannaq Qaanaarlu unittooqqanerat Ane Marie Møller Andersenip ineriartortinneqaqqilissappata nutaaliortoqartariaqartoq isumaqarpoq.

- Illoqarfiit nunaqarfiillu avannarliunerusut pingaartippakka, Ane Marie oqarpoq.

Tassungalu atatillugu namminersortutut sulinermini misilittakkani atorluarsinnaallugit misigivoq.

- Pitsaanerusumik pilersaarusiortariaqarpugut, aallarnisaasartut iluatsilluarnikut tamanna pikkoriffigaat. Allallu ingerlaannaq unittarlutik.

Allaffik matummat namminersortunngorpoq

Hendes egen historie fortæller en del om både problemerne for de nordligste byer, men også om de mulige løsninger.

2010 tikillugu Ane Marie Uummannami akileraartarnermut allattoqarfimmi aqutsisuusimavoq. Allattoqarfillu allamut nuuttussanngormat Ane Marie oqarfigitissimavoq suliffini pigiinnarusukkuniuk illoqarfimmut anginermut nuuttariaqartoq.

Uummannamiillu aallarusussimanngilaq. Atorfimminiik tunuariarluni Ane Marie namminersortutut naatsorsuuserisunngorpoq kingornalu pisiniarfiutitaarluni. Ane Marie ullumikkut tallimanik sulisoqarpoq.

Arnat ulluat utaqqiinnanngikkaluarlugu Uummannamiut ilaat arnat nipaanik tusarusuttut malunnarpoq.

- Oqarfigineqartartpunga, torrak! Kiisami arnaq isummaminik annitsisinnaasoq, Ane Marie neriulluaqaluni oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER