Arctic Winter Games

Maanna ajoqusillattaanerit aallartereerput

Kalaallit Nunaata issittumi unammiuaartoqarnerata nalaani timimik sungiusaasuat peqataasut nakkutigalugit ulapippoq

Grønlands Idrætsforbund Grønlands Idrætsforbund Grønlands Idrætsforbund Grønlands Idrætsforbund Grønlands Idrætsforbund Grønlands Idrætsforbund

Arctic Winter Gamesimi Kalaallit Nunaat aallartilluarpoq. Kisianni ajoqusillattaanerit siulliit maanna nalunaarutigineqallattaalerput, Kalaallit Nunaanni Timersoqatigiit Kattuffiat taama ilisimatitsivoq.

- Arctic Winter Gamesertoqarnerani timimik sungiusaasua, Kenneth Stage, peqataatitagut nakkutigalugit ulapippoq. Ajoraluartumillu siusissumik annikitsumik artorsarnikkut ajoqusillattaasoqarpoq, generalsekretæri Carsten Olsen tusagassiuutinut nalunaarummi erseqqissaavoq.

Tamanna aamma 2015-imi Island Gamesimi takussaasimavoq, kalaallit peqataasut artorsarneq pissutigalugu ajutuullattaanikuupput.

Sungiusarneq sivisunerusoq
- Kalaallit Nunaanni naatsumik, sukkasuumik pissartanngorniunnernik sungiusimasaqarpugut, ajoqusernerillu assigiit tusarajuttarpagut. Tamanna tunngavigalugu sivisunerusumik sungiusartarneq aamma piareersarneq takorusupparput, taamaattumillu iliuuseqartariaqarluta, sungiusaasutta ajoqusinnginnissamik siunertalimmik sungiusaasarnissaannut, generalsekretæri naliliivoq.

Qaammatit marluk naammanngitsut
Taassuma tassunga ataillugu tikkuarpaa, unammersuarnissaq qaammatinik marlunnik sioqqullugu sungiusarneq naammanngitsoq.

- Sungiusartilluni timip allannguutigisai sivisuumik takkunniartarput. Misissuinerit takutippaa, sapaatip-akunnerini tallimani arfinilinni nukkassarneq pitsanngoriaateqarnera naatsorsorneqarsinnaalertartoq. Kisianni qaammatit pingasut aatsaat qaangiukkaangata nukittunerulersimaneq naatsorsorneqarsinnaalertarpoq. Sungiusarnerlu sukkavallaartumik sakkortutsikkaanni, artorsarneq pissutigalugu ajoqusernernik kinguneqarajuttarpoq, taanna erseqqissaavoq.

Arctic Winter Games pillugu nutaarsiassat kingulliit atuakkit:

Arctic Winter Gamesimi marlunngornermi pisussat

Dene Gamesimi medaaliannangajattoq

Inernerit uani malinnaavigisinnaavatit

Uani ataani assit takukkit

Powered by Labrador CMS