Skip to main content

Maalaarutinik aalajangiisartut: Nakorsaatinik annertunaaraluni tunisineq isornartorsiorneqartoq

Tarnimikkut Nappaatillit Maalaarutaannik Aalajangiisartut 2020-mi pinngitsaaliissummik iliuuseqarfigineqarneq pillugu naamaarutinik aqqaneq-marlunnik suliaqarsimavoq. Suliat marluk isornartorsiorneqarlutik appiunneqartariaqarsimapput.

Tarnikkut Nappaatillit Maalaarutaannik Aalajangiisartut, tarnimikkut napparsimallutik uninngasut pinngitsaaliissummik iliuuseqarfigineqarneq pillugu maalaarutaannik suliaqartartut, 2020-mi sulianik aqqaneq-marlunnik aalajangiisimapput.

Maalaarutinik aalajangiisartut ukiumoortumik nalunaarutaat nakorsaaneqarfiup nittartagaani saqqummersinneqarsimasumi taama allassimavoq.

Suliani aqqaneq-marluusuni suliat qulit maalaarutinik aalajangiisarfiup misissoriarlugit peqqussutit malillugit suliarineqarsimasutut akuerai. Sulialli marluk isornartorsiorneqartariaqarsimapput, ilaatigullu tunngaviusumik ajornartorsiummik aalajangiiffigisariaqakkamik qaffakaatsitsisimapput, maleruaqqusammi maanna atuuttut assigiinngitsumik paasineqaqqunagit aalajangiiffigineqartariaqarsimapput.

Suliat isornartorsiorneqartut tassaapput annertunaaraluni nakorsaasiinerit aamma napparsimasup Skejby Sygehusimut peqquteqarpasinngitsumik nuutsinneqarnera.

Screenshot, landslægeembedet

Nakorsaasiinaarneq akuerineqanngitsoq

Pinngitsaaliilluni nakorsaatitortitsineq pillugu suliami maalaarutinik aalajangiisartut aalajangiipput iliuuseq eqqunngitsuliornerusoq.

- Pisumi aalajangersimasumi nakorsaatitortariaqarneq tunngavissaqanngitsoq, innersuussutaasumit annertunerusumik nakorsaasiisoqarsimasoq nakorsaasiinerlu kingorna aatsaat immikkoortortami nakorsaanermit akuerineqartoq, Aalajangiisartut naliliipput, isornartorsiuisoqarpoq.

Napparsimasup nunatsinniit Skejby Sygehusimut nuunneqarnissaanut aalajangerneq pillugu Maalaarutinik Aalajangiisartut siullermik naliliipput nuutsitsineq eqqunngitsuusoq, napparsimasoq nunatsinni peqqinnissaqarfimmi katsorsarneqartussanngorlugu pineqaatissinneqarsimammat. Nuunneqarnissaanut pissutit pingaarnersaraat sumiiffimmini ulorianartorsiortitsisinnaasutut nalilerneqarpat.

- Aalajangiisartunit isornartorsiuisoqareermat napparsimasup nakuusernissamik toqutsinissamillu sioorasaarisimanera, kiisalu immikkoortortami sulisunut timikkut annersitsisimanera isimmittaasimaneralu aalaakkerneqartariaqarneranik kinguneqartoq nuussinermut tunngavilersuutigineqarpoq.

- Tamatuma kingorna navianartorsiortitsisinnaanermik toqqammaveqarneq eqquutsinneqartoq taamaammallu nuussisoqarsinnaasoq, Aalajangiisartut naliliipput.

Tunngaviusumik ajornartorsiutit

Napparsimasup allamut nuunneqarnissaanut suliaq taaneqartoq, suliarlu alla pillugit tunngaviusumik aalajangigassaqartoq Maalaarutinik Aalajangiisartut isumaqarput, taamaattumillu pingaartumik apeqqutip tunngaviusup ataatsip isummerfigineqarnissaa pisariaqarsimavoq. 

- Taakkunannga ataaseq napparsimasumik Skejby Sygehusimut nuussinermut tunngassuteqarpoq, tassani napparsimasoq Dronning Ingridip Napparsimmavissuani tarnikkut nappaatilinnut immikkoortortami nakorsaanerup isummerfigeqqaarsimanngisaanik pinngitsaaliissummik nakorsaatitortitsisoqarsimavoq tamannalu Aalajangiisartunit annertuumik isornartorsiorneqarpoq.

- Aappaanni napparsimasup tarnikkut nappaatilinnut immikkoortortami uninngasup katsorsartittussanngorlugu Danmarkimi napparsimmavimmut nuunneqarnissaa aallarniutitut aalajangerneqarsimavoq, allassimavoq.

Napparsimasulli inatsisilerituuata Maalaarutinik Aalajangiisartut ilisimatereermagit, taakkulu tarnimikkut nappaatillit immikkoortortaqarfianut erseqqissaassuteqareermata ulorianartorsiortitsisoqartinnagu napparsimasumik nuussinissaq maleruaqqusanik malinninnginnerusoq, nuussinissamut aalajangerneq utertinneqarpoq.

Tarnimikkut Nappaatillit Maalaarutaannik Aalajangiisartut tassaapput siulittaasoq, inatsisileritooq Kista Høegh Niclasen, ilaasortaq, nakorsaaneq Henrik L. Hansen aamma ilaasortaq Esekias Therkelsen Sugisameersoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER