Skip to main content

Maaji Nuan aallarnerlugu suliffeqarfippassuarni sulisut arpatsinneqassapput 

Maaji Nuan tallimanngornermi apriilip 30-anni 2021-mi aallartissaaq.

Ammaanersiorluni arpanneq apriilip 30-anni 2021-mi nal. marlunut illoqarfiup qeqqanit Brugsenip eqqaanit aallartissaaq, ilaqutariit pingaartinneqarnerussallutik. Meeqqanut naleqquttunik isorartussutsinut naatsunut marlunnut arpaffissaqassaaq.

Maaji Nuan’imit suliffeqarfiit kajumissaarneqarput suliffeqarfiup atisaataannik ilisarnaatitalinnik imaluunniit uniformimik atorlutik takkutissasut, taamaalilluni aallarniilluni arpannermi suliffeqarfippassuit Maaji Nuan’imut tapersersuisut takuneqarsinnaaniassammata. Timersoqatigiiffinnut ilaasortat kajumissaarneqarput klubimik tujuuluanik tujuuloqaqqullugit, taamaalilluni ulloq nuannisarluni timimik aalatitsiffiuniassammat.

Grønlandsbankimeersut maskot-ertik Appa ilagalugu takkutissapput, soorlumi aamma Mittarfeqarfiit aamma maskot-eqassasut, taakkulu Maaji Nuan 2021-mut ammaanersiorneq.

Pisunneq pingaartinneqassaaq 

Pisunneq ukioq manna Maaji Nuan’imi qitiutinneqassaaq. Illoqarfimmi pisoqatigiittartut assigiinngitsut qanimut suleqatigalugit aaqqissuussisoqartassalluni. Taamaattorli pisuttartut peqatigiiffiat Asimiu annermik suleqatigineqassalluni. 

Qaammatip ingerlanerani Neriuffik peqatigalugu ilaqutariinnut pisutsitsinermik aaqqissuussisoqassaaq.

Namminersorlutik Oqartussani aamma Kommuneqarfik Sermersuumi sulisut maaji tamakkerlugu pisunnerpaaniullutik unammissapput. 

Arsaattarfinni Inussiviup eqqaaniittunik ataatsimoorluni aputaajaanissamik klubit allallu suleqatigalugit ullut ilaanni aaqqissuussisoqassaaq. Pineqaatissinneqarsimasunut Inissiisarfimmi 

Maaji Nuan’imik ukioq manna aamma aaqqissuussisoqassaaq. Taakku saniatigut ikittunnguakkuutaarluni silami arsaattoqassaaq. Ukkusissamut sapaatip akunneri tamaasa pisuttuartitsisoqartassaaq. Atuarfinni atuaqatigiit tamarmik aningaasanik akissarsiassartalinnik eqqakkanik katersillutik unammisinneqassasut, Finn Meinel ilisimatitsivoq.

Atuaqatigiit tamarmik immikkut angalanissaminnut 5.000 aamma 10.000 koruunit  akornannik akissarsiassaqassapput, atuaqatigiit assigiinngitsut qanoq amerlatigisut peqataanersut apeqqutaalluni.   

Angerlarsimaffeqanngitsunut Kofoeds Skolemi aamma aaqqissuussisoqartassaaq, eqqarsartaatsimikkut innarluutinnut kiisalu skakkertartut peqatigiiffiat aaqqissuussisassalluni, soorlumi aamma naatsorsuutigineqartoq timersoqatigiiffiit assigiinngitsut timersoriartarfiillu soorlu Sisorarfiit aamma Malik kiisalu timersortarfissuit assigisaalu aaqqissuussinernik assigiinngitsunik neqerooruteqartassasut, Finn Meinel Nuummi maajimi pisussanik aaqqissuussisuusoq taama ilisimatitsivoq.   

Aaqqissuussinerni assigiinngitsunik takutitsisoqartarnissaa naatsorsuutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER