Lynge: Oqaasialunnit inuit sequminneqarsinnaapput
Salluliorluni pasilliinernit innuttaasut ataasiakkaat inuiaqatigiinnit illersorneqarnerusariaqarput. Taamaattumik inatsisit allanngortinniarneqalerput – internetimi ajuallatsinneqarnissamut illersuutitut
Inuit mamarlerneqartut salluliorlunilu pasillerneqartut ilaannikkut annertuumik iluarsineqarsinnaanngitsumillu ajoquserneqarsinnaapput.
Demokraatineersoq Steen Lynge taama oqarpoq, aviisip AG-p taanna apersorpaa.
- Inuup pineqartup atorfinissinnaanera imaluunniit suliffeqarfimmik ingerlatsisinnaanermut periarfissai innarlerneqarsinnaapput. Aappariinneq aserorsinnaavaat kiisalu ikinngutinut, ilisarisimasanut suleqatinullu attaveqarneq, Steen Lynge eqikkaavoq.
Ajornartorsiut sukkasuumik annertusiartortoq taanna isumaqarpoq, inuit attaveqaqatigiittarfiisigut internetimilu allatigut ajuallatsitsinissamut periarfissaqarnerulerneratigut.
Inatsimmik allannguinissaq neriuutigigaa
Inatsisartut ukiaanerani ataatsimiinneranni Steen Lyngep apeqqut qaqinniarpaa. Oqaluuserisassaq novembarimi oqaluuserineqartussatut inissinneqarsimavoq. Neriuutigaa suliassaqarfimmi maleruagassat allanngortinnissaannut amerlanerussuteqassalluni, taamalalilluni politiit suliassarilerlugu internet atornerlullugu inunnik nittarsaanerup eqqartuussivilersuunnissaa.
Steen Lyngep apersorneqarnera tamaat aviisimi AG-mi atuaruk, taanna aamma aviisimi pingaarnertut allaatigineqarpoq. Uani ataani aviisimut isissutissarsigit: