Lynge: Bøjlet pillugit suliaq isornarluinnarpoq
Peqqinnissaqarfimmi aqutsisut meeqqanut bøjlelersuisarunnaarneq pillugu aaljangiussaat Naalakkersuisuni politikkikkut akuleruffigineqarusukkunnaarpoq. Aalajangerneq ilaqutariinnut meerartalinnut 15.000 koruniinik naleqartitsisinnaavoq.
Demokraatit Naalakkersuisunut tapersersortaasut Peqqinnissaqarfimmi pisortat aalajangernerat ”isornarluinnartutut” taavaat, Steen Lyngelu Naalakkersuisunut apeqqutinik saqqummiusseqqippoq.
- Isornarluinnarpoq meeqqat kigutaasa narlorissartinneqarsinnaanerisa periarfissaanik mattussinerup Peqqinnissaqarfiup aqutsisuinit salliutitsineq. Uffa meeqqat pisinnaasakilliornermi pingaartinneqartussaasut malittarisassat atuutut malillugit. Taamak aalajangerneq meeqqanik assigiinngissitsinermik pilersitsivoq, angajoqqaanit tamanit kigutinik narlorissaaneq kigutilerisuni namminersortuni pisoq akissaqartinneqanngimmat, Steen Lynge paragraf 37 naapertorlugu apeqqutimini arfiniliusuni Naalakkersuisunut ataasinngornermi nassiussamini taama tunngavilersuivoq.
Kigutigissaaneq pillugu ilisimatitsissut
- Kalaallit Nunaanni kigutigissaaneq pillugu ilisimatitsissut Naalakkersuisunit malinneqassappat, taava Naalakkersuisut Peqqinnissaqarfimmi aqutsisut piumaffigissavaat allatut tulleriiaarinissaat imaluunniit aaqqiissutissanik allanik nassaassasut. Allatut iliornerup ilagisinnaavaa kigutit nakorsaanit namminersortunik suleqateqarneq, kigutinik narlorissaanermik inernilik taamaattoq, Steen Lyngep oqaatigaa siunnersuutigivaalu:
- Imaassinnaavoq Naalakkersuisut Peqqinnissaqarfiup aqutsisuisa namminersorlutik susassaqartut meeqqat kigutaanik narlorissaanermik aaqqiineq pillugu suleqateqarnermik isumaqatigiissuteqarneq piumasarissagaat, imaluunniit, aamma Naalakkersuisut aaqqissuussinermik sulissuteqarneq isumagisariaqaraat, taamaalillutik aningaasat atoriaannaat katsorsakkamut, tassa meeqqap kigutaanik narlorissaanermut atorneqarnissaat pissammat.
Akit qaffasissut
Kigutit narlorsarniarlugit bøjleliinerit minnerpaamik 15.000 koruuneqarsinnaasarput, kigutillu equngavallaarpata akip taaneqartup marloriaataa sinnerlugu akeqarsinnaasarlutik, kigutilerisut taama Sermitsiaq.AG-mut naliliinermik paasissutissiisimapput. Meeqqat kigutaasa bøjlelernissaat kigutinik isumaginninnermi akeqanngitsumik neqeroorutigineqarunnaarnerannut pissutaavoq nunami tamarmi kigutilerivinni kigutilerisut, kigutilerisut immikkut ilinniarsimasut kigutigissaasullu allat amigaatigineqarnerat, Peqqinnissaqarfimmi aqutsisut ilisimatitsipput.
Læs hele sagen:
- Pisortat kigutileriffiini bøjlelersuiunnaarput
- Den offentlige tandpleje dropper bøjler
- Ændring i tandplejen er i strid med bekendtgørelse
- Kigutigissaanermi allannguisoqarnera nalunaarummik malinninngilaq
- Meeqqat kigutaasa peqqissusaannut tunngatillugu sipaarasi
- Spar ikke på tandsundheden
- Tandbøjle-sag er under al kritik
- Nedskæringer er ikke godkendt
- Chokregning på 40.000 kr.
- 40.000 koruuninik akiligassaqassaaq
