Lund Olsen: Angallannermut aaqqiisoqalerpoq

Disko Linep kiffartuussiniarnera Qaasuitsup Kommuniani kommunalbestyrelsemut ilaasortap Kristian Jeremiassenip (S) tallimanngormat sakkortuumik isornartorsiorpaa.

- Angallannikkut atukkagut ajornerulerput, ilaatigut oqaatigaa.

Atuaruk: Kajumissaat: Naalakkersuisoq tunuartariaqarpoq

Piumasaqaataasut naammatsissinnaanngilaat

Disko Linep innuttaasunut kiffartuussinera pitsaanerpaanngitsoq angallannermut naalakkersuisup Martha Lund Olsenip Sermitsiaq.AG-mut nassuerutigaa.
- Innuttaasut pakatseqqanerat paasisinnaalluarpara. Ilaasummi pitsaanerpaamik sullinneqartariaqarmata, tamannali Disko Linep naapertorsinnaasimanngilaa, oqarpoq.

- Kiffartuussinissamut isumaqatigiissut atuutilermalli Disko Line aallartilluarsimanngilaq. Umiarsuaateqarfik piareersarluarnerusimasariaqaraluarpoq. Silali aamma pitsaanerpaarsuusimannginnerata unammillernartoqartissimallugu, Martha Lund Olsen oqarpoq.

Atuaruk: Kanukoka: Angallannermi malunnartumik ajornerulersitsisoqarpoq

Pitsanngorsaasoqassaaq

Pitsanngorsaasoqassasoq aamma neriorsuutigaa. Disko Linemi ilaasussaminut paasissutissiilluartannginnera isornartorsiorneqangaatsiarpoq.

- Ilaasussanit Disko Line attaveqarfiginiarneqartarnera ullumimiit pitsanngorsaavigineqassaaq. Umiarsuaatillullu Mittarfeqarfiit suleqatiginiarnera aaqqiivigineqassalluni, Martha Lund Olsen erseqqissaavoq.
Atuaruk: Kommunimi politikerit Disko Line isornartorsioraat

Tunuassanngilaq

Kiffartuussinissamut isumaqatigiissutip isornartorsiornerani Kristian Jeremiassenip Martha Lund Olsen (S) tunuaqqullugu kajumissaarpaa.

Kristian Jeremiassenip naalakkersuisutut tunuaqquaatit, tamanna qanoq akissutissaqarfigaajuk?

- Naalakkersuisut siulittaasuata aalajangiiffigissavaa, Martha Lund Olsen oqarpoq.