Skip to main content

Louisiana kalaallip eqqumiitsuliaanik pisiortortoq

Luisianami Eqqumiitsulianik Saqqummersitsivik danskip-kalaallip eqqumiitsuliortup Pia Arkep eqqumiitsuliaanik ukiut kingulliit qulit ingerlaneranni pisiortortarsimavoq, eqqumiitsulianillu saqqummersitsiviup nunani tamalaani akuerisaasup ilisimatitsissutigaa, Arkep eqqumiitsuliai aasamut saqqummersinneqarniartut.

Danskimit kalaallimillu kingoqqisoq, eqqumiitsuliortoq Pia Arke 2007-imi 49-uinnarnik ukioqarluni toqusimasoq, Louisianami eqqumiitsulianik ilisimasalinnit ima nuannarineqarsimatigivoq, eqqumiitsuliaanik 15-inik ikinnerunngitsunik ukiuni arlalinni allaat pisiortortoqartarsimalluni, taassuma eqqumiitsuliai aasaru saqqummersinneqarpata takunianeqarsinnaapput.

Louisiana tusagassiorfinnut nalunaaruteqarnermi ilaatigut Pia Arke pillugu allappoq:

- Pia Arkep suliai assilialiorluni eqqumiitsuliortartup suliarai, aammali ilisimatuussutsikkut periuserineqartartut sammisarpai, ilaatigut danskit ilisimasassarsiortartullu allat –  ujarassiuut, uumasorsiuut geodætsillu, angutit - Kalaallit Nunaat avataanit isigalugu nassuiaatigisartagaat allanngortittarpai. Saqqummiunneqarsimasut nammineq isummani malillugu allanngortittarpai, suliatigut killissarititaasut qaanerlugit eqqumiitsuliortup isaanit isigalugit allanngortitarlugit.

- Assit toqqorsivinnit inuinnaallu katersaannit qaqittarpai, nunat assinginut ataatsimoorteriarlugit, nuna timitalerlugu eqqumiitsuliarisarlugit. Tassunga atatillugit pingaarnertut sammisimasai tassaapput 1996-imi filmiliaq Arktisk hysteri, aamma Legende I-V 1999-imeersut, taakku marluullutik Louisianami katersaatinut ilaapput.

Pia Arkep eqqumiitsuliai Louisianami saqqummersinneqareerpata, Kunsten i Aalborgimi Odensemilu Kunstmuseum Brandtsimi saqqummersinneqassapput.

Eqqumiitsulianik saqqummersitsiviup ilisimatitsissutigaa, Pia Arkep eqqumiitsuliaanik saqqummersitsineq danskit nunanilu tamalaani allaaserinnittartut qulit katalogiliaannik ilaqartinneqassasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER