aatsitassat
London Mining akiliisinnaajunnaalersoq
Isuani piiaaffeqalernissaa piviusunngornissaa maannakkut ilimanaateqanngikkallarpoq
Aatsitassarsioqatigiiffik London Mining Isukasiani saviminissarsiorfimmik sananiarnera aallartinneqalerpoq, ammaaniarnermilu nunani allani ammaaniartut taamaalillutik unammillerlugit. London Miningip Isuani ammaasoqarnissaanut aningaasaliisoqarnissaa neriulluarfigaat.
Tamanna oktobarip 24-ani 2013-mi pivoq.
London Mining aningaasanik ajornartorsiuteqartorujussuuvoq maannakkut.
Politikenimi allaaserineqarpoq suliffeqarfiup aktiaatai naleqalaartuusut imaluunniit naleqanngitsuusut.
Taama nalunaartoqareersoq suliffeqarfiup aktiai 96 procentimik apparput, aktiamut ataatsimut 0,12 pencenik naleqalerluni - sivitsunngitsoq 0,55 pencemut naqqinneqarpoq - taamaasilluni aktiat 82 procentimik apparlutik. 2013-mi aktiaq ataaseq 436 pencenik naleqarpoq.
London Miningimit Isuani piiaanissamut isumaqatigiissuteqaraluarpoq. Pisariaqarporli 13 milliardinik aningaasaliisoqarnissaa, taakkulu saviminissarsiorfimmut atorneqassapput.
London Miningip atsioqatigiittoqarnerani ukioq kingulleq oaatigaa inuit 3.000-tit saviminiliorfiup sananeqarnerani atorneqassasut, saffiugassanillu piiaanermi inuit 750-it missaat atorneqassasut naatsorsuutigalugu.
- Isumaqatigiissut issittumi saviminernik piiaanissami pingaarutilimmik angusaqarfiuvoq, siunissamilu takussutissaajumaarluni ilumut issittumi saviminiliorfimmik taama suliaqarneq iluatsinneqarsinnaasoq, Graeme Hossie ukioq kingulleq oqarpoq.
- Neriuutigaapput inuiaqatigiinnut suliffissanik sanasinnaassalluta. Kalaallinik sulisussanik atorfinitsitisinnaavugut, ilinniarnikkullu qaffakkiartorsinnaallutik, Graeme Hossie oktobarimi ukioq kingulleq oqarpoq.
London Miningi pillugu AG-mi atuartoqarsinnaavoq. Aviisi ataani pisiariuk: