Løkke paasissutissat isertugaasut Kimimut saqqummiutissallugit piareersimavoq
Lars Løkke Rasmussen Danmarkimi ministeriuninngoqqissaguni Naalakkersuisunut siulittaasumut paasissutissanik isertuussaasunik saqqummiussinissaminut piareersimavoq
Lars Løkke Rasmussen ministeriunertut ingerlaqqissaguni Kalaallit Nunaannut Savalimmiunullu paasissutissanik isertugaasunik saqqummiussinissamut piareersimavoq.
AG allappoq.
– Ilaanneeriarlunga ilisimasaqartarpunga isertuussanik, pissutigalugu tamakkua tassaasarmata isertortumik paasiniaanikkut paasissutissat isertortut. Tassaasinnaapput qarasaasiakkut pinerlunnerit sammisaqarfiillu allat pillugit paasissutissat. Paasissutissat tamakkua nipangiusimaneqartussaapput. Tamakkua Kalaallit Nunaannik Savalimmiunillu taartigeeqatigiissutigerusuppakka. Tamatumunngali pisariaqarpoq isertuussisinnaanissaq, tamatumalu pilersinneqarnissaanut peqataarusuppunga, ministeriuneq oqarpoq.
Ilanngullugu oqarpoq paasissutissat tamakkua inuit marluinnaat akornanni tunniunneqarsinnaasut, oqarasuaatikkuunngitsoq mailikkuunngitsorlu.
AG Lars Løkke Rasmussenimik apersuivoq, tamanna aviisimi pingasunngormat saqqummersumi tamakkiisumik atuarneqarsinnaavoq. Naalagaaffeqatigiinnerup iluani takorluukkani ilaatigut aamma saqqummiuppai. Aviisi uani pisiariuk: