mianersoqqussut
Løkke: Kalaallit Nunaata siunissami atugarissaarnissaa qulakkeerneqanngilaq
Aningaasaqarneq 2016-imi siuariaraluartoq ajornartorsiut suli qaangerneqanngilaq. Aaqqissuusseqqiineq annertuumik pisariaqartoq Lars Løkke Rasmussen naqissusiivoq
Aningaasaqarneq oqimaaqatigiinngilaq pimoorullugulu aaqqinniarneqartariaqarluni.
Lars Løkke Rasmussenip naalagaaffeqatigiit 2017-imut nalunaarusiaani Kalaallit Nunaata aningaasaqarnera pillugu immikkoortumi atuarneqarsinnaavoq.
Atuaruk: Inuussutissarsiortut: Politikkikkut aqutsisunik amigaateqarpugut
Ajornartorsiutip tunaartaa
Aningaasaqarneq siorna siuariaateqangaatsiarsimasoq immikkut maluginiarneqarpoq. Inuiaqatigiillu aningaasaqarnerat aaqqinnissaanut naammanngilaq.
- Siuariarnerulli aningaasaqarniarnermut unammilligassanut aaqqissutaanissaanut ersiutaanngilaq. Kalaallit Nunaat ineriartornermut, sulianut aningaasaqarnermullu politikkia suli unammilligassaqarpoq. Kalaallit Nunaata atugarissaarnera qulakkeerneqassappat aaqqissuusseqqinnerit annertuut inuussutissarsiutinillu nutaat pisariaqarput, nalunaarusiami Lars Løkke Rasmussen naqissusiivoq.
Eqqoriaanerunngilaq
Aningaasaqarnermut Siunnersuisoqatigiit 2010-mili naatsorsuutigisartagaannut innersuutigai.
Atuaruk: Inuussuttoq aallarnisaasoq politikerinut: Ilissi ajornartorsiutaavusi!
- Pisortanit anigaasartuutit 2040-p tungaanut amerliartornissaat naatsorsuinerup paasinarsitippaa. Kalaallit Nunaannili isertitalli qaffakkiartussanngitsut aamma paasinarsivoq ... Missingersuutit milliardimik pitsanngortariaqartut pisariaqarpoq .... Naatsorsuinerit eqqoriaanerunngillat, mianersoqqusivoq.
Aaqqissuusseqqinneq, aaqqissuusseqqinneq, aaqqissuusseqqinneq
Siunnersuisoqatigiit aaqqissuusseqqinnernik tikkussiisarsimanerat nalunaarusiami eqqaaneqarpoq.
- Kinguartitsinerup ajornartosiutip annertusitiinnassavaa taamatullu aaqqiisoqartariaqarnera aamma annertusissalluni.
"Aaqqissuusseqqinnissamut aallartitsinissamullu siunnersuinissamut" danskit naalakkersuisuisa neqeroorutigisimagaat ministeriunerup aamma eqqaavaa.