Skip to main content

Liza Tuperna uteqqippoq

Ajoqusersimalluni sivisuumik uninngareerluni Liza Tuperna Itzchaky-p arfininngormat Københavnimi maratonip affaanut VM-ernermi anguniakkani anguvaa

Sekundit 22-t eqqarsaatigissanngikkaanni arpattartup Liza Tuperna Itzchaky-p nammineq anguniakkani anguvaa, tassa maratonip affaa 1.26-1.28 akornanni atorlugit arpanniarsimagamiuk.
Apuuppoq atorsimallugit akunnerit 1.28.22. Angusani naammagisimaarluarpaa. Facebook-imigut qiimmassaasuni qutsavigai tamaviaareersimallunilu seqinnarissaarniarpoq. Facebook-imi allappoq:
– Nuanneqaaq. 1.28.22 atorpakka. Tamaviaarnaq, anguniagarali anguvara. Seqinnarissaarpunga. Qiimmassaasunut tamanut qujanaq!!! Nuanneqaaq!
Liza Tuperna Itzchaky ajoqusersimanini pissutigalugu ukiup affaa sinnerlugu arpassimanngilaq. Sermitsiaq.AG-mullu oqarnikuuvoq pissutsit piffissaqassasut, angusarissaarnissarlu naammagittartumik ataavartumik anguniagalimmillu sungiusarnikkut anguneqassaoq.
Maratonimut VM upernaakkut silagissuup ataani ingerlanneqarpoq, timigissaatigalugu arpattartut 30.000-t arpattartullu kakkannerit 223-t peqataaffigalugu.
Arfininngornermi Københavnimi maratonip affaanut VM-ernermi arnani angutinilu kenya-miut ajugaapput.
Angutini ajugaavoq kenya-miu Geoffrey Kipsang Kamworor, atorlugit 59,07 minutsit, tullersortigalugit Samuel Tsgay, Eritrea, aamma Guye Adola, Etiopien.
Qallunaani sukkanersaavoq Abdi HakinUlad, ajugaasumit 3,16 minutsinik kigaannerulluni apuukkami normu 34-iulluni.
Aernani Gladys Cherono ajugaavoq atorligit 1.07,28 tiimit. Tullersortigai nunaqqatini Mary Wacera Ngugi aamma Selly Chepyego Kaptich. Arnani siulliit tamat Kenya-meersuupput.
Arnani qallunaani sukkanersaavoq Ditte Lybke, normu 32-iulluni ajugaasumit 4,42 minutsinik kigaannerulluni apuulluni.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER