Nuuk
Lisbeth Katuami saqqummersitsissaaq
Nuummi saqqummersitsineq Lisbeth Karline Poulsen 'The Whiteout’-imik taaguuserneqarsimasoq ammarneqassaaq
Lisbeth Karline Poulsenip saqqummersitsinera 'The Whoteout' ammaanersiorneqassaaq Katuami sisamanngorpat aggustip arfineq aappaanni nalunaaqutaq 16.00.
- Whiteout tassaavoq silami pissutsini aputit sioqqalluunniit pissutaallutik erseqqarissutsip annikillingaatsiarnera. Killingusaap ersikkunnaarnera naleqqiussaarulluni, inuk sammiveerutsillugu.
- Saqqummersitsineq 'The Whiteout' kalaallit eqqumiitsuliaat aamma suusinnaanersoq pillugu isumassarsiannut aallaaveqarpoq. Soqutiginninnera
atortussanik toqqaanernik pivoq, soorlu karsimerngit, flamingot, avittat taavalu kalaallisuut. Suliaqartarnera atortussat nalunngisagut nutaalianngorlugit suliarinissaanut tunngavoq. Aamma uunga tunngavoq eqqumiitsuliat suusinnaanerannut takorluuinermik iperaanermik- tassa suarsuit naliginnaasut naleqalertinnissaannut, Lisbeth Karline Poulsen saqqummersitsinissani nassuiarpaa. Assigiinngitsunik saqqummersitsinissani tunngaveqartoq nassuiaatigaa:
- 'The Whiteout' tunngavingivaa saqqummersitsinerup assigiinngitsunik qimerloorneqarsinnaanera-killingusaaq tammarutsigu qanoq isiussaagut?
Saqqummersitsineq Namminersorlutik Oqartussat Kultureqarnermut Aningaasaliissutaannit Sermeq Fondimillu aningaasaliiffigineqarpoq.
Saqqummersitsineq takutinneqassaaq aggustip 7-niit 27-at ilanngullugu.