Lisa KAK-mi siulittaasutut tulliatut inissippoq
Kalaallit Arsaattartut Kattuffiani siulersuisut inissipput
Lisa Lind Jensen arsaattartut kattuffianni, KAK-mi, siulittaasup tulliatut inissippoq.
Kattuffik tusagassiutinut nalunaarummi allappoq.
Finn Meinel siulittaasutut ivertinneqarpoq kattuffillu taamaasilluni siuttuuffigisussanngorlugu. Finn Meineli siulersuisut siuliini siulittaasup tulliatut inissisimanikuuvoq taamaattumillu arsaattartut kattuffiat siulittaasup tullianik qinersilluni, tassani Lisa Lind Jensen toqqarneqarpoq.
- Siulersuisunut ilaasortat tassaalerput Hans Frederik Olsen Sisimiunit, Loke Svane - Nuuk, Julie Karlsen - Upernavik, Benjamin Kielsen - Narsaq kiisalu Oluf Olrik Qeqertarsuarmit. Siulersuisut nutaat suligasuarnissaminnut suliallu ineriartortitsinernut tunngasut ingerlateqqinnissaannut qilanaarput, nalunaarutigineqarpoq.
Unammiuaarnerni ataatsimiititaliaq
KAK-mi siulittaasuusimasoq John Thorsen kattuffimmi suli attuumassuteqarallassaaq, matumani KAK-mi siulersuisunit unammiuaarnerni ataatsimiititaliami ilaasortassatut innersuunneqarnerata kingorna.
John Thorsenip kaammattorneqarnini pillugu akuersisimavoq taamaasillunilu unammiaarnerni ataatsimiititaliami ilaasortaalersut tassaalerput John Thorsen – Nuuk, Loke Svane – Nuuk kiisalu Julie Karlsen Upernavimmit, nalunaarutigineqarpoq.