Skip to main content

Lektori: Kunngissakkut meerai aamma tunuartissagunarput

Kunngissakkut sisamanik meeraqarput. Taakkua ilaat aamma tamanit malinnaaffigineqarusukkunnaassagunarput, oqaluttuarisaanermik ilisimatooq naliliivoq

Ilimanarluinnarpoq Danmarkimi prinsit prinsessellu siunissami kunngikkunniit tunuarternissaat, soorlu prins Harry nulialu Meghan tuluit kunngikkormiuinit tunuarsimasut.

Det vurderer Michael Bregnsbo, Syddansk Universitetimi oqaluttuarisaanermi lektoriusoq, ilaatigut kunngikkormiutut inuunermik ilisimatusarsimasoq taamatut naliliivoq.

- Danmarkimi kunngikkormiut meerarpassuaqarput kunngip issiavissaarsuanik kingornussinavianngitsunik. 

- Takorloorneqarsinnaavorlu taakku ilarpassuisa kunngikkormiutut inuunissamut sanilliullugu nalinginnaasumik ilaqutariittut inuuneqarnissaq suliffeqarnissarlu piumanerussagaat, Michael Bregnsbo oqarpoq.

Michael Bregnsbo naapertorlugu taamatut siulittuuteqarneq kunngissakkut meeraannut sisamanut aamma atuuppoq.

Taassuma oqaatigaa, taamatut iliornermikkut nammineq aningaasarsiulissagaluarunik tamanit isornartorsiorneqarsinnaaneq ajornannginnerusumik pinngitsoortissinnaagaat.

- Sumulluunniit pigaluaraanni kikkunnit tamanit malinnaaffigineqarneq tusagassiortunillu sammineqarneq annertuumik tatisisarpoq.

- Taamaammat kunngikkormiutut alutorineqartarneq tusagassiortunillu sammineqartarneq qimallugit eqqissisimanerusumik nalinginnaanerusumillu inuuneqarnissaq qinissappassuk suna ajorami, Michael Bregnsbo oqarpoq.

Tuluit tusagassiorfiinit nalilerneqarpoq, prins Harryp nuliatalu  Meghanip tunuaaminerannut pissutaasoq, tusagassiorfinnit malinnaaffigineqartuarnermik qatsussisimanerat.

Michael Bregnsbop erseqqissaatigaa, tunuaaminissamik nalunaaruteqarneq imaanngitsoq kunngikkormiunit anineq.

- Kunngikkormiutut inuuneqarnissaq piumaneqanngiinnarpoq. Ilaat siulliullutik inunngortarput kunngillu issiavissaarsuanik kingornussisussaallutik. Allallu allamik suliassarsiortariaqarlutik, taanna oqarpoq.

Taassuma oqaatigaa, kunngikkormiut ilaannut suliffiit arlallit assigiinngitsut naleqquttuussinnaasut. 

Oqaluttuarisaaneq eqqarsaatigissagaanni sakkutuut nalaagaatut atorfeqarnissaq naapertuuppoq. Tamatuma saniatigut sulianiaqatigiiffinni ajunngitsuliorfiusartuni qaffasissumik atorfeqalernissaa ilimanaateqarluinnarpoq. Atorfiilli "qaffasinnginnerusut" aamma periarfissaapput, taanna naliliivoq.

Danmarkimi dronning Margrethe nalunaaruteqarsimavoq, prins Christian inersimasunngoruni kisimi kunngikkormiut akissaataannik pissarsisassasoq. Taamaammallu erngutaasa allat arfineq-marluk  ningaasarsiornissartik namminneq isumagiumaaraat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER