Larsêraq Skifte 67-nik ukioqarluni toquvoq

Larsêraq Skifte ippassaq, 10. april ajutoornermini toquvoq

Regentparret, Sisimiut, 170715, ungdomshuset, Larseeraq Skifte

Larsêraq Skifte ippassaq, 10. april Sisimiuni nakkarluni ajutoornermi kingorna toquvoq. Taanna 67-nik ukioqarpoq.

Taassuma ikinngutaata Michael Binzerip eqqaaniummik nassippaatigut, tassani Larsêraq Skifte sumiluunniit pissusilersornissaminik nalorninngitsutut oqaatigaa:

Qamuuna artorsangaarlunga inuk sorpassuiartigut inuuninnik eqqortumik ingerlatitsilersimasoq pillugu eqqaaniummik allappunga. Larsêraq angutaasimavoq uummatilerujussuaq, inunnut assigiinngitsorpassuarnut inissaqartitsisoq, ingammillu inuusuttunut. Inuusimavoq paasisimasaqarluartoq, takorluugaqartoq, aamma inunnik allanik takorluukkaminut peqataalersitsillaqqissoq. Larsêraq iluatsitsillunga Apussuit Skicenterimut, Arctic Circle Racemut aamma 2002-mi Arctic Winter Gamesimi siulersuisunut atatillugu misigisaqarfiginikuuara. Inituujuvoq, takorluugartooq, inuppalaartoq minnerunngitsumillu Kalaallit Nunaannut tulluusimaarnermik pilersitsinissamik Kalaallit Nunaannilu inunnut ukkataqartoq. Eqqarsaatiminik immikkut ittumik takutitsillaqqissuseqarpoq, taamaalilluni inuit allat malinninnissaannut isummersuititsisarluni.

Pisumi qanoq Larsêraq uippallernartigisumiikkaluaruniluunniit, eqqissisimasarpoq aalajangiisinnaassuseqarlunilu. Tamanna ACR-imi aputip sisoornerani ajutoortoqarnerani takutinnikuuaa, Apussuarni sermip quppaanni imaluunniit Maniitsumit Kangerlussuarmut qamuteralannik angalanermi. Larsêraq unammilligassani ajornakusoortuni aaqqiissutsisanik nassaassaqartuarpoq – qanorluunniit issitsigigaluarpat, anorersuartigigaluarpat imaluunniit inuit akornanni akerleriittoqartillugu. Allat pitsaanerulersinnissaanut sapinngisamillu tamakkiisitsinissamut isumassiuillaqqissuusimavoq.

Tamatuma saniatigut Larsêqqap nunani allani Kalaallit Nunaat pillugu ilisimasanik pilersitsinissamik pisunik aaqqissuussinikkut, nunamiisitsinikkut imaluunniit skicentereqarnikkut nunanit allanit pilerisaarinermigut isumassarsiortuuvoq. Inuunermini inunnut naapitaminut tulluusimaarnermik aamma imminut naleqartinnermik ineriartortitsisuuvoq. Ukiuni kingullerni Sisimiuni inuusuttunut ornittakkamik pilersitsisuullunilu suliaqartuuvoq, taanna inuusuttunut inissamik pilersitsivoq – tassanilu inuusuttuni imminut naleqartinnermik, nammineq pissutsinik ilisimaarinninnermik aamma tulluusimaarnermik Larsêraq suliaqarpoq. Paasisimasaqarluarnera nunatsinni inuppassuarnut allannguinikuuvoq.

Kalaallit Nunaat inummik pingaarutilimmik piitsunnguallappoq,

Larsêqqap eqqaaneqarnera ataqqinartuuli,

Michael Binzer, ikinngutaa aamma nersorinnittaa

Powered by Labrador CMS