Inatsisartut ataatsimiittarfiat

Lars-Emil: Tupaallanngilanga

- Kommuneqarfik Sermersuumit Inatsisartunik ataatsimiittarfissaannik kissaateqarnermut aalajangiiffigisariaqalerpaat, Inatsisartut siulittaasuat Lars-Emil Johansen oqarpoq

Lars-Emil Johansen, formand for Inatsisartut
Lars-Emil Johansen

Kommuneqarfik Sermersuup nittartakkakkut Inatsisartut ataatsimiittarfissaannik tikkuussisumik taasititsinerani Aqqaluup Aneerasaartarfiani ataatsimiittarfiliortoqannginnissaa innuttaasunit amerlanerussuteqarluartunit kissaatigineqarpoq. Taasititsinerup inernera Lars-Emil Johansenip tupaallaatiginagu oqarpoq.

- Taasititsineq qanoq oqaaseqarfigisinnaaviuk?

- Oqallinnerit tusarnaartareerlugit taasititsinerup inernera tupaallaatiginngilara, Lars-Emil Johansen oqarpoq.

Maannakkut susoqassava?

- Uagut suliassarinngilarput kommunimuna suliassaa. Kommuneqarfik Sermersuumit Inatsisartunik ataatsimiittarfissaannik kissaateqarnermut aalajangiiffigisariaqalerpaat. Aalajangiingajalissasut neriuutigaara. Neriuppunga sanaartorfiusinnaasumik toqqaangajalissasut, nuummiunummi ataatsimiittarfissaq sananeqassanngilaq, innuttaasunuuna tamanut atuuttussaq. Nuummi taasititsisoqareerpoq, taamaattumik neriuutigaara kommunalbestyrelsip susoqarnissaanik aalajangiingalalissasoq neriuutigaara, Lars-Emil Johansen oqarpoq.

Isumasiuititsisartut Epinionip misissuisitsinera pillugu paasissutissat talerpiata tungaani takuneqarsinnaapput

Powered by Labrador CMS