Inatsisartut
Lars-Emil: Suliaq naammasserusuppara
Tallimanngorpat Inatsisartut siulittaasussaannik qinersinissaq pissanngatigineqarpoq. Oqalualuttoqaraluartoq Lars-Emil Johansenip Siumup iluani unammillertissaanik saqqummertoqanngilaq
Lars-Emil Johansenimut qilerutit qangali kipitissimannginnamigit Kim Kielsenip peqqissimilluni AG-mut junimi oqaaseqarnera isummersorneqaluarluarpoq ilaatigut Inatsisartut siulittaasuannik soraarsitsinermik kinguneqassasoralugu.
AG-lli tusarfiisa oqaatigaa qinersinissaq tulleq qanillereermat Lars-Emil Johansen taarserneqarnavianngitsoq. Inatsisartut ataatsimiinnerat tallimanngorpat ammaanersiorneqarmat pisarneq malillugu Inatsisartut siulittaasuannik qinersisoqassaaq Siumukkormiutoqarlu Lars-Emil Johansen maanna tassani siulittaasuuvoq.
Kim Kielsenilli Naalakkersuisuni siulittaasutut suliaminik ingerlatsineranik Lars- Emil Johansenip isornartorsiunerata kingorna Siumukkunni ataqatigiinneq misilittarneqarpoq.
Atuaruk: Inatsisartut siulittaasussaanik qinersisoqarnissaa pissaganartoq
Suliani naammasserusukkaa
Kim Kielsenilli Naalakkersuisuni siulittaasutut suliaminik ingerlatsineranik Lars- Emil Johansenip isornartorsiunerata kingorna Siumukkunni ataqatigiinneq misilittarneqarpoq.
Pissutsit Siumup ataatsimeersuarnerani julimi pisumi ilungersunarsipput. Tassani Kim Kielsen Vittus Qujaukitsumit Lars-Emil Johansenimit taperserneqartumit siulittaasutut unammillerneqarpoq.
Pissaaneqarniunneq ersarissumik ajugaasussarsivoq. Amerlanerussuteqarluartut Kim Kielsen taperserpaat tamatumalu kingorna pissanngatigineqaleraluarpoq isornartorsiuisimaneq Lars- Emil Johansenip Inatsisartuni siulittaasuujunnaarsinneqarneranik kinguneqassanersoq.
- Qinigaaffiup siunnera Inatsisartut siulittaasuattut suliara naammasserusuppara, Lars-Emil Johansen AG-mut oqarpoq.
Allaaserisaq tamakkerlugu AG aviisimi aqagu pingasunngornermi saqqummertussami atuarsinnaavat. Aviisilu digitaliusoq uani pisiassaalereerpoq: